Tag: Thuglife

Thuglife: தக் லைஃப் திரைப்படத்தின் ரிலீஸை முன்னிட்டு மற்ற மாநிலங்களில் ரசிகர்கள் ஜாலியாக இருந்தாலும், கர்நாடகாவில் இன்னமும் பரபரப்பு நிகழ்ந்து வருகிறது. இதனால் கமலுக்கு ஏற்பட்ட சோதனை குறித்த தகவல் கசிந்துள்ளது.

மணிரத்னம் இயக்கத்தில் உருவாகி இருக்கும் திரைப்படம் தக் லைஃப். இப்படத்தினை கமல்ஹாசனின் ராஜ்கமல் நிறுவனம் மற்றும் மணிரத்னத்தின் மெட்ராஸ் டாக்கீஸ் நிறுவனம் இணைந்து தயாரித்து இருக்கிறது. ஏ.ஆர்.ரஹ்மான் இப்படத்திற்கு இசையமைத்துள்ளார்.

கமல்ஹாசன், சிலம்பரசன், திரிஷா, அபிராமி, ஜோஜூ ஜார்ஜ் உள்ளிட்டோர் நடித்து இருக்கின்றனர். 80களில் ஹிட்டடித்த நாயகன் படத்தினை மையமாக வைத்தே இப்படம் ரவுடிசம் கதையை மையமாக வைத்தே உருவாக்கப்பட்டு இருக்கிறது.

இதனால் நாயகன் படத்தினை விட தக் லைஃப் மிகப்பெரிய வெற்றி படமாக அமையும் எனவும் கமல்ஹாசன் ஒரு பேட்டியில் தெரிவித்துள்ளார். இப்படம் பெரிய அளவில் எதிர்பார்ப்பை ஏற்படுத்தி இருந்த நிலையில் கமல்ஹாசன் மேடை பேச்சு பெரிய பிரச்னையை உருவாக்கியது.

தமிழில் இருந்து தான் கன்னடம் பிறந்ததாக அவர் பேச கர்நாடகாவில் இது சர்ச்சையை ஏற்படுத்தியது. உடனே கமல்ஹாசன் மன்னிப்பு கேட்க வேண்டும் என பலரும் எதிர்ப்பு தெரிவித்தனர். ஆனால் கமல்ஹாசன் நான் தவறாகவே பேசவில்லை.

உண்மையை தான் பேசுகிறேன். எனக்கு கர்நாடகா மக்கள் மீது நம்பிக்கை இருக்கிறது. அவர்கள் மீது என் பாசம் மாறாதது எனவும் பேசி இருப்பார். கர்நாடக சினிமா சங்கம், வர்த்தக சங்கம் என எல்லாமே 30ந் தேதிக்குள் கமல்ஹாசன் மன்னிப்பு கேட்கவேண்டும் என உத்தரவிட்டது.

இந்நிலையில் அவர் இதுவரை மன்னிப்பு கேட்கவே இல்லை. இதனால் தக் லைஃப் திரைப்படம் தற்போது கர்நாடகா மாநிலத்தில் வெளியிட தடை விதிக்கப்பட்டு விட்டது. அங்கிருக்கும் எந்த திரையரங்கும் இப்படத்தினை வெளியிடக்கூடாது எனவும் அறிவுறுத்தப்பட்டுள்ளது.

இந்த தடையால் கமல்ஹாசனுக்கு படம் வெளியாவதற்கு முன்னரே 30 கோடி வரை நஷ்டம் எனக் கூறப்படுகிறது. ஆனால் இந்த தடை நீடிக்கும் பட்சத்தில் இது இரு மொழி துறைக்குமே பெரிய பிரச்னையை உருவாக்கும் என்ற பேச்சுகளுமே உருவாகி இருக்கிறது.

Thuglife: கமல்ஹாசனின் நடிப்பில் உருவாகி இருக்கும் தக் லைஃப் திரைப்படத்தினை கர்நாடகாவில் வெளியிட திடீர் முடிவு எடுத்து செயல்படுத்தி இருக்கிறது தயாரிப்பு நிறுவனம்.

மணிரத்னத்தின் மெட்ராஸ் டாக்கீஸ் மற்றும் கமல்ஹாசனின் ராஜ்கமல் நிறுவனம் இணைந்து தயாரித்து வரும் திரைப்படம் தக் லைஃப். இப்படத்தில் கமல்ஹாசன், திரிஷா, அபிராமி, சிலம்பரசன், ஜோஜு ஜார்ஜ் உள்ளிட்டோர் முக்கிய வேடத்தில் நடித்துள்ளனர்.

இப்படத்தின் டைட்டில் அறிவிப்பே பெரிய எதிர்பார்ப்பை உருவாக்கிய நிலையில் படம் ரிலீஸுக்கு தயாராகி விட்டது. இன்னும் 2 தினங்களே இருக்கிறது. படக்குழு கடந்த ஒரு மாதத்திற்கும் மேலாக புரோமோஷன் பணிகளில் பரபரப்பாக இயங்கி வருகின்றனர்.

ஒரு மேடையில் நடிகர் கமல்ஹாசன் கன்னட மொழி தமிழில் இருந்து பிறந்ததாக பேசி இருந்தார். அந்த விஷயம் சர்ச்சையாக வெடித்தது. கன்னட அமைப்பு கமல்ஹாசன் எப்படி அப்படி பேசலாம் என கண்டனம் தெரிவித்தனர். இதனால் தக் லைஃப் படத்தினை கர்நாடகாவில் வெளியிடக்கூடாது எனக் கோஷம் எழுந்தது.

கன்னட சினிமா சேம்பர் கண்டிப்பாக கமல்ஹாசன் இந்த பேச்சுக்கு மன்னிப்பு கோர வேண்டும். அப்படி அவர் கேட்கவில்லை என்றால் கண்டிப்பாக தக் லைஃபை இங்கு வெளியிட முடியாது எனவும் உத்தரவிட்டனர். ஆனால் கமலோ நான் ஏன் மன்னிப்பு கேட்கணும்?

நான் தப்பே செய்யாத போது, மன்னிப்பு கேட்பது உடன்பாடில்லை என ஓபனாக சொல்லி இருந்தார். முதலில் 2 நாள் கெடு கொடுத்த போது அவர் முடியாது என மறுத்தார். தற்போது மேலும் ஒரு 24 மணிநேரம் கொடுக்கப்பட்டு இருக்கிறது. இதில் கமலின் முடிவு என்னவாக இருக்கும் என எதிர்பார்க்கப்பட்டது.

ஆனால் தற்போது அதிரடியாக தன்னுடைய ராஜ்கமல் நிறுவனம் மூலம் கர்​நாடக உயர் ​நீ​தி​மன்​றத்​தில் அவசர மனு ஒன்றை தாக்​கல் செய்து இருக்கிறார்.

அந்த மனுவில்,‘‘கர்​நாட​கா​வில் தக் லைஃப் திரைப்படத்தினை தடை விதித்து இருப்பது சட்டத்திற்கு எதிரானது. அதனால் தடையை நீக்கி படத்தினை வெளியிட அனுமதி தரவும், திரையரங்குக்கு உரிய பாதுகாப்பு அளிக்கவும் கோரிக்கை வைத்து இருக்கிறார்.

இந்த மனு மீதா விசாரணை இன்று நடக்கும் என எதிர்பார்க்கப்படுகிறது. இதை தொடர்ந்து கர்நாடக சினிமா சேம்பரும் இந்த விஷயத்தினை சட்டப்படியே எதிர்கொள்வோம். அவர் மன்னிப்பு வேண்டும் வரை கர்நாடகாவின் எந்த திரையரங்கிலும் கமலின் படத்தினை வெளியிட முடியாது எனவும் தெரிவித்துள்ளனர்.