Tag: எம்ஜிஆர்.

தமிழ்த்திரை உலகில் மக்கள் திலகம், புரட்சித்தலைவர், பொன்மனச் செம்மல் என்றாலே சட்டென்று நம் நினைவுக்கு வருபவர் எம்ஜிஆர்தான். இவரது படங்கள் எத்தனை முறை ரிலீஸ் ஆனாலும் சலிக்காது. அந்த வகையில் இப்போது ரீ ரிலீஸாக உள்ள படம் என்னன்னு பார்க்கலாமா…

1975ல் எம்ஜிஆர், ராதாசலுஜா இணைந்து நடித்த படம் இதயக்கனி. ரசிகர்கள் மத்தியில் பெரும் வரவேற்பைப் பெற்றது. இந்தப் படத்தில் இடம்பெற்ற நீங்க நல்லா இருக்கணும் பாடல் கட்சியின் கொள்கைப் பாடலாகவே மாறிப்போனது. இப்போது எங்கு கூட்டம் நடந்தாலும் கூட இந்தப் பாட்டைத் தான் போட்டு எம்ஜிஆர் மாதிரி வேஷம் போட்டு ஆடுவார்கள்.

இந்தப் படம் அந்த வகையில் எம்ஜிஆரின் அரசியல் பயணத்துக்கு உறுதுணையாகவே இருந்தது. படத்தில் மனோகர், தேங்காய்சீனிவாசன், ஐசரிவேலன், வெண்ணிற ஆடை நிர்மலா, பண்டரிபாய், ராஜசுலோசனா உள்பட பலர் நடித்துள்ளனர். மெல்லிசை மன்னர் எம்எஸ்.விஸ்வநாதன் இசை அமைத்துள்ளார். இன்பமே உந்தன் பேர் பெண்மையோ என்ற பாடல் அவ்வளவு அழகு… அவ்வளவு அற்புதம்… எப்போது கேட்டாலும் மனதை வசீகரிக்கக்கூடியது.

படத்தில் கூலிங்கிளாஸ் மஞ்சள் சட்டை சகிதம் எம்ஜிஆர் வரும் காட்சிகள் எல்லாமே பட்டையைக் கிளப்பும் ரகங்கள்தான். 50 ஆண்டுகளைக் கடந்தும் இன்று வரை மக்கள் மனதில் நீங்காமல் இடம்பிடித்து வருகிறது. அந்த வகையில் எம்ஜிஆர் பேவை சார்பில் இந்தப் படம் மீண்டும் ரீ ரிலீஸாகிறது.

வரும் 4.7.2025ம் தேதி 100 திரையரங்குகளில் 4 கே டிஜிட்டல் தொழில்நுட்பத்தில் சினிமாஸ்கோப்பில் படம் வெளியாகிறது. சத்யா மூவீஸின் 60வது ஆண்டு விழாவைக் கொண்டாடும் வகையில் இந்தப் படம் ரீ ரிலீஸ் ஆகிறது. உலக எம்ஜிஆர் பேரவை அமைப்புகள் இந்தப் படத்தை பெருமையுடன் வழங்குகிறது. பிரான்ஸ், புதுவை, அமீரக பேரவைகள் என்றும் டிரெய்லரில் டைட்டில் கார்டு போடப்பட்டுள்ளது.

‘உழைக்கும் தொழிலாளர்களே, என் உடன்பிறப்புகளே, என் ரத்தத்தின் ரத்தமே’ என்று எம்ஜிஆர் பேசும்போது மீண்டும் நாம் எம்ஜிஆர் காலகட்டத்தில் வாழும் உணர்வு உண்டாகிறது.

கூலித்தொழிலாளி ஒருவர் எங்க எஜமான் ஏழைகளுக்குக் கொடுத்து கொடுத்து கைசிவந்தவர் மட்டுமல்ல. கருணையைக் காட்டிக் காட்டி மனசும் சிவந்த பொன்மனச் செம்மல் ஐயா அவரு என்று சொல்லும் போது ஒட்டுமொத்த ரசிகர்களுக்கும் ஒரு பரவச உணர்வு உண்டாகிறது என்றே சொல்லலாம்.

தேங்காய் சீனிவாசன் ஒரு காட்சியில் அவர் பாடியே புல்லட் ஃபரூப். துப்பாக்கியே அவருக்கிட்ட தோத்துருக்கு. தோட்டாவுக்கே டாட்டா காட்டினவர்தான் எங்க பாஸ்னு சொல்கிறார். அப்போது திரையரங்கில் விசில் பறப்பது நிச்சயம்.

படத்தின் டிரெய்லரைக் காண: https://www.youtube.com/watch?v=5qsTTEG6kw0

மறைந்த நடிகர் மு.க. முத்து பற்றி ஒரு செய்தி உண்டு. அவர் எம்ஜிஆர் மாதிரி சினிமாவில் நடிக்கிறார். அவருக்குப் போட்டியா என்றெல்லாம் கேள்வி எழுந்தது. இதுகுறித்து பிரபல சினிமா பத்திரிகையாளர் தேனி கண்ணன் என்ன சொல்கிறார்? வாங்க பார்க்கலாம்.

எம்ஜிஆருக்குப் போட்டியா முக.முத்துன்னு எல்லாம் எடுத்துக்கக்கூடாது. ஏன்னா எம்ஜிஆர் கொடுத்த வெற்றியும்இ கடந்து வந்த பாதைகளும், அவர் நடித்த படங்களும் அதுக்கான வசூலும் வேற. ஆனா அரசியலுக்கு ஒரு காய் நகர்த்த வேண்டும் என்ற சிந்தனையோட முக.முத்துவை சிலர் நகர்த்திக் கொண்டு வச்சிருப்பாங்கன்னு வேணா பார்த்துக்கலாம்.

ஆனா எம்ஜிஆர் அதை எப்படி எடுத்துக்கிட்டாருன்னுதான் பார்க்கணும். எம்ஜிஆர் தன்னோட படங்களுக்குப் பெரிய பலமாக நினைச்சது பாடல்களைத் தான். பாடல்கள் என்ன செய்யும்னா பெரிய லெக்சர் நடத்தி கூட்டத்தை நடத்தி சொல்லக்கூடிய விஷயத்தை ரீச் பண்ண முடியாமப் போகும்போது ஒரு 3 நிமிட பாடல் வந்து சொல்லிடும்.

அது கடைக்கோடியில இருக்குற ரசிகர்களுக்கும் போய்ச் சேரும். அதனால பாட்டை வந்து எம்ஜிஆர் தனக்கான பெரிய ஆயுதமாகவே வச்சிக்கிட்டாரு. அதனால தான் ஒவ்வொரு படத்துக்கும் பாடல்கள் எப்படி வரணும்கறதை அவரே வடிவமைச்சாரு. இதயவீணை படத்துக்கு 5 டியூன்ல இருந்து ஒவ்வொரு இசைக்கண்ணிகளாக எடுத்து ஒரே பாட்டா வச்சாரு.

எம்ஜிஆர் பாடலைத் தன்னோட ஆயுதமா நினைச்சாலும் அவரால பாட முடியாது. ஆனா மு.க.முத்துவால் நல்லா பாட முடியும். அருமையான குரல் வளம் உள்ளவர். எம்ஜிஆர் படத்துக்கு உள்ள மாதிரி மு.க.முத்துவுக்கும் பெரிய டீம் இருக்கு. எம்ஜிஆர் என்ன சொல்றாருன்னா உன் படத்தை எல்லாம் எனக்குப் போட்டுக் காட்ட மாட்டியான்னு ஒரு தடவை கேட்டுள்ளார்.

அதற்கு உடனே மு.க.முத்து தன்னோட டீமை அழைச்சி வந்து எம்ஜிஆருக்குப் படத்தைப் போட்டுக் காட்டினாராம். அப்போது எம்ஜிஆர் அவரிடம், உனக்கென ஒரு தனிபாணியை அமைச்சிக்கிட்டு முன்னுக்கு வரணும்னு சொல்றாரு. அதே நேரம் அவரு கையில கட்டி இருந்த ரேடோ வாட்சைக் கழட்டி அவருக்கு கட்டி வாழ்த்திருக்காரு எம்ஜிஆர். பிள்ளையோ பிள்ளை படத்தில் ஏழையின் சிரிப்பில் இறைவன் என்ற பாடலில் மு.க. முத்துவின் டிரஸ், கெட்டப் போட்டு ஆடுவது எல்லாம் அப்படியே எம்ஜிஆரைப் பார்த்த மாதிரி இருக்கு.

எம்ஜிஆர் மாதிரியே ஓடுவார். கிருஷ்ணன் பஞ்சுவில் இருந்து எல்லாரும் இவரை எப்படியாவது முன்னாடி கொண்டு வரணும்னு உழைக்கிறாங்க. எம்ஜிஆர் முக.முத்துவின் பாடல்களை எல்லாம் கேட்டு ஷாக் ஆகிட்டாரு. முக.முத்துவுக்கு எழுதப்பட்ட பாடல்கள் எல்லாமே எம்ஜிஆரை நோக்கித்தான் எழுதப்பட்டன. எம்ஜிஆருக்கு நட்பில் நெருக்கமாக இருந்த வாலி தான் மு.க.முத்துவுக்கும் பாடல்களை எழுதினார் என்பது குறிப்பிடத்தக்கது.