Tag: ஜெய்சங்கர்

மக்கள் கலைஞர் ஜெய்சங்கர் ஒரு நல்ல மனிதாபிமானி. அவர் தனது பிறந்தநாளன்று அன்னதானம் செய்வது வழக்கம். அவருக்குத் திரை உலகில் நண்பர்களே இல்லாதவர் இல்லை எனலாம். அந்தளவு மிகப்பெரிய நண்பர்கள் வட்டாரத்தைப் பெற்று இருந்தவர் ஜெய்சங்கர். அவருக்குத் தயாரிப்பாளர்கள் வரிசையில் ரொம்ப நெருக்கமாக இருந்தவர்கள் ஏவிஎம் சரவணனன், பாலசுப்பிரமணியம், எம்.குகன்.

ஏவிஎம் தயாரிப்பில் ஜெய்சங்கர் முதலில் நடித்தது குழந்தையும் தெய்வமும். அது மிகப்பெரிய வெற்றிப்படமாக அமைந்தது. இந்தப் படத்தில் நடிப்பதற்கு முன்னாலேயே ஜெய்சங்கர் ஏவிஎம் தயாரிப்பில் ஒரு படத்தில் நடித்திருக்க வேண்டியது.

அதற்காக அவருக்கு மூவி டெஸ்ட் எல்லாம் எடுத்தாங்க. தனக்குத்தான் அந்த வாய்ப்புன்னு திடமாக நம்பிக்கொண்டு இருந்தார். அந்தப் படத்தின் பெயர் அன்னை. அதில் ஜெய்சங்கர் நடிக்க வேண்டிய கதாபாத்திரத்தில் நடித்தவர் ஒரு தெலுங்aகு நடிகர். அந்தப் படத்தில் ஜெய்சங்கர் நடிக்க முடியாமல் போகக் காரணம் அவரது கண்கள் சிறியனவாக இருக்கு என்பதுதான்.

அதனால் உணர்ச்சிகளைக் கடத்த முடியாதுன்னு சொல்லி ஏவிஎம் நிராகரிச்சிட்டாங்க. அந்தப் படத்தில் ஜெய்சங்கருக்கு ஏவிஎம் வாய்ப்பு தராததுகூட ஒருவகையில் நல்லதுதான். அந்தப் படத்தில் நடித்து இருந்தால் அவருக்கும் 2ம் கதாநாயகன் வாய்ப்புதான் கிடைத்து இருக்கும். இரவும் பகலும் படத்தில் அவர் முழுக்க முழுக்க கதாநாயகனாக நடித்து இருந்தார்.

ஜோசப் தலியத்தின் இயக்கத்தில் ஜெய்சங்கர் நடித்த முதல் படம் இதுதான். இந்தப் படத்தில் நடிக்க வாய்ப்பு கிடைச்சதுக்கும், அன்னை படத்தில் வாய்ப்பு மறுக்கப்பட்டதற்கும் முக்கியமான காரணம் ஜெய்சங்கரின் நல்ல மனசுதான். மேற்கண்ட தகவலை பிரபல தயாரிப்பாளர் சித்ரா லட்சுமணன் பகிர்ந்துள்ளார்.

மக்கள் கலைஞர் ஜெய்சங்கர் அறிமுகமான காலகட்டத்தில் எப்படிப்பட்ட கலைஞராக இருந்தார் என்பதை சிவகுமார் ஒரு கட்டுரையில் பதிவு செய்துள்ளார்.

1960களில்தான் ஒரு ஜெய்சங்கர், ரவிச்சந்திரன், ஏவிஎம்.ராஜன், ஸ்ரீகாந்த், நான் ஆகிய 5 பேரும் கதாநாயகர்களாக அறிமுகமானோம். இதுல தொடர்ந்து படங்கள் நடிக்கக்கூடிய வாய்ப்புன்னா அது ஜெய்சங்கருக்குத்தான் கிடைத்தது.

தயாரிப்பாளர், லைட்மேன் என்றெல்லாம் வித்தியாசம் பார்க்காத ஒரு நடிகராக ஜெய்சங்கர் இருந்தார். அனைவரின் தோள்மீதும் கைபோட்டு சர்வசாதாரணமாக அவர் பேசுவார். அதேமாதிரி மற்றவர்களைக் காயப்படுத்துகிற மாதிரியான வார்த்தை எதுவும் அவரது வாயில் இருந்து வராது. எனக்கு தெரிஞ்சி சினிமா உலகிலே எதிரிகளே இல்லாமல் இருந்த நடிகர்னா நான் ஜெய்சங்கரைச் சொல்வேன்.

jaisankar

பல தருணங்களில் எனக்கு ஆதரவாக ஜெய்சங்கர் இருந்திருக்கிறார். நான் தொடர்ந்து பல போராட்டங்களை சந்தித்து வந்த அந்தக் காலகட்டத்தில் நடிகர் சங்க வளாகத்தில் டென்னிஸ் ஆடுவதற்காக பல முக்கியமான கதாநாயகர்கள் எல்லாம் வருவாங்க.

அப்போது ஜெய்சங்கரும் தனது காரில் வருவார். நான் அப்போ என்னுடைய சைக்கிள்ல நடிகர் சங்க வளாகத்துக்குப் போவேன். அப்போது எனது வசதி அப்படி. எனது முகத்தில் இருந்த மாற்றத்தைப் பார்த்த ஜெய்சங்கர் ‘ஏன் சிவா வாட்டமா இருக்கே, சினிமா உலகிலே வெற்றி, தோல்வி என்பதை யாராலும் தீர்மானிக்க முடியாது.

உனக்கு ஒரே ஒரு நல்ல வாய்ப்பு வந்தா போதும். உன்னுடைய வாழ்க்கையே தலைகீழா மாறிடும். அதனால இதுக்கெல்லாம் வருத்தப்பட்டுக்கிட்டு இருக்காதே’ன்னு ஆறுதல் சொன்னார் ஜெய்சங்கர். மிகுந்த மன வருத்த்தில் இருந்த எனக்கு அந்தளவுக்கு தைரியத்தைத் தந்தன என்கிறார் சிவகுமார்.

மேற்கண்ட தகவலை பிரபல தயாரிப்பாளர் சித்ரா லட்சுமணன் தெரிவித்துள்ளார்.வசதியில்லாமல் சைக்கிளில் வந்த சிவகுமாரைப் பார்த்து நக்கல் பண்ணாமல், அவரது மனவேதனையை அவரது முகத்தில் குறிப்பால் உணர்ந்து கொண்டு அதற்கேற்ப பக்குவமாகப் பேசி உள்ளார் ஜெய்சங்கர். அதுமட்டுமல்லாமல் அவருடைய மனவேதனைக்கு மாமருந்தாக அமைந்து ஒரு நல்ல தைரியத்தைக் கொடுத்துள்ளது ஜெய்சங்கரின் பேச்சு.