Tag: ஜெய்சங்கர்

சூப்பர்ஸ்டார் ரஜினிகாந்த் படத்தில் நடித்த வில்லன்கள் குறித்து பிரபல விநியோகஸ்தர் தேனி கண்ணன் இவ்வாறு தெரிவித்துள்ளார்.

பைரவி படத்தில் ரஜினிக்கு வில்லனாக ஸ்ரீகாந்த் நடித்து இருப்பார். அந்த சமயத்தில் ஸ்ரீகாந்த் ஹீரோவாகவும் பரபரப்பாக நடித்து வந்த காலம். இவருக்கு அடுத்தபடியாக ரஜினி படங்களில் செந்தாமரை முக்கியமான வில்லன். மூன்று முகம் படத்தில் செம மாஸாக நடித்து இருந்தார். ரஜினிக்கு சவால்விடும் வகையில் மீசையை முறுக்கி என் பேரைச் சொன்னா கருவில இருக்குற குழந்தையும் வாயைப் பொத்திக்கிடும்னு சொல்வார்.

இதையும் படிங்க...லோகேஷ் போல நான் இல்லை… கோட் பட டிரைலரில் குறித்து வெங்கட் பிரபு சொன்ன சீக்ரெட்…

அதற்கு ரஜினி அதே குழந்தை என் பேரைச் சொன்னா தன் வாயையும் பொத்திக்கிட்டு அவங்க அம்மா வாயையும் பொத்திக்கிடும்னு சொல்வார். எம்ஜிஆர் எப்படின்னா, தன்னோட நடிக்கும் சக கலைஞர்களோட பாத்திரம் பலமா இருக்கணும். அப்போ தான் தன்னோட கேரக்டர் பேசப்படும்னு உறுதியா இருந்தார். இது தான் எம்ஜிஆர் பார்முலா. இதைத் தான் ரஜினியும் பின்பற்றினார்.

முரட்டுக்காளை படத்தில் கதை தயாரானதும் யார் வில்லன் என பலரும் பேசி வந்தார்கள். இந்தப் படத்தில் வில்லனாக நடிக்க ஜெய்சங்கரை தேர்ந்தெடுத்தார்களாம். ஆனால் அவரை எப்படி அந்த வேடத்தில் நடிக்க வைப்பது? அவர் கதாநாயகனாக நடித்துக் கொண்டு இருக்கிறாரே என்று சங்கோஜப்பட்டார்களாம். ஆனால், அந்தக் கதையை சொன்னதும் ஓகே என்று சொல்லிவிட்டாராம் ஜெய்சங்கர்.

அந்த விஷயத்தில் ரஜினி உறுதியாக சொன்னாராம். எந்த விளம்பரத்திலும் என்னோட படத்தைப் பெரிதாகவும், ஜெய்சங்கரின் படத்தை சின்னதாகவும் போடக்கூடாது என்றாராம். படத்திலும் ஜெய்சங்கருக்கு ரொம்பவே முக்கியத்துவம் தரும் வகையில் கேரக்டர் வடிவமைக்கப்பட்டு இருக்கும்.

சண்டைக்காட்சிகளிலும் முற்றிலும் மாறுபட்ட கோணத்தில் ஜூடோ ரத்னம் எடுத்திருப்பார். ரஜினிக்கும், ஜெய்சங்கருக்கும் சமபலத்துடன் மோதுவது போன்று காட்சிகள் எடுக்கப்பட்டு இருக்கும். அது ஒரு டிரெய்ன் பைட். உயிரைப் பணயம் வைத்து எடுக்கப்பட்ட சண்டைக்காட்சி அது. கேமரா வியூவும் டெக்னிகலாக எடுக்கப்பட்டது. இந்தக்காட்சியில் ஜெய்சங்கரும், ரஜினியும் டூப் போடாமல் நடித்தார்களாம்.

இதையும் படிங்க...எல்லோரும் பயந்த டைட்டில்!.. துணிச்சலாக நடிச்ச ரஜினிகாந்த்!.. அஜித்துக்கும் வாழ்க்கை கொடுத்த படம்!

அந்த வகையில் மிஸ்டர் பாரத் படத்தில் சத்யராஜ், பாட்ஷா படத்தில் ரகுவரன் இருவரும் மிக முக்கிய இடத்தைப் பிடித்துள்ளார்கள். தமிழ்த்திரை உலகில் ரஜினியை அடித்து விட்டு கைதட்டல் வாங்கிய ஒரே வில்லன் ரகுவரன் தான். மார்க் அண்டனி என்ற அந்தக் கேரக்டர் டெரராக இருக்கும். படையப்பா படத்தில் வில்லியாக நடித்தவர் ரம்யா கிருஷ்ணன்.

அடுத்த படத்தில் சத்யராஜ் வில்லனாக வரலாம் என்றும் பேசப்படுகிறது. சத்யராஜ் நடிக்கவே மாட்டார். அதைத் தவிர்ப்பதற்காக 5 கோடி கொடுத்தால் தான் நான் நடிப்பேன் என்று கூட சொல்லலாம். இவ்வாறு அவர் தெரிவித்துள்ளார்.

1970களில் எம்ஜிஆர், சிவாஜிக்கு அடுத்தபடியாக முத்துராமன், ரவிச்சந்திரன், ஜெமினிகணேசன் தங்களுக்கு என ஒவ்வொரு பாதையை வகுத்துக்கொண்டு வெற்றி நடைபோட்டனர்.

வெள்ளிக்கிழமை தோறும் ஸ்பை திரில்லர் படங்களைக் கொடுத்த ஜெய்சங்கரின் படங்களில் ஒன்று தான் வைரம். பெயருக்கு ஏற்றாற்போல வைரத்தைக் கைப்பற்றும் கதை தான் வைரம். 1972ல் வெளியான விக்டோரியா நம்பர் 203 என்ற இந்திப் படத்தின் ரீமேக்காக வெளியாகி சூப்பர்ஹிட் ஆனது. இந்தியில் சாய்ராபானு கவர்ச்சியில் தாராளம் காட்டினார். இதே போல தமிழில் ஜெயலலிதா கேபரே டான்ஸ் ஆடி படுகவர்ச்சியாக நடித்தார். இதற்காகவே வைரம் படத்திற்கு கூட்டம் அலைமோதியது.

கர்நாடகாவின் கோலாரில் இந்தப் படம் செம மாஸ் ஹிட் அடித்தது. இந்தப்படத்தின்  உரிமை கண்ணதாசனிடம் இருப்பதை அறிந்து தயாரிப்பாளர்கள் பலர் அவரிடம் வாங்க போட்டி போட்டார்களாம். ஜெய்சங்கர் நடித்த படங்களில் கண்டிப்பாக பார்க்க வேண்டிய படம். ஆக்ஷன், சஸ்பென்ஸ், காமெடி, திரில்லர் என அனைத்தும் கலந்த காமெடி படம் இது. டி.ஆர்.ராமண்ணா இயக்கியுள்ளார்.

படத்தின் கதை இதுதான். குதிரை வண்டியை ஓட்டுபவராக சகஸ்ரநாமன் வருகிறார். ஒரு கும்பல் ஒருவரை துப்பாக்கியால் சுட்டுக் கொலை செய்வதைப் பார்க்கிறார். இதைப் பார்த்ததால் கொலை பழி இவர் மீது விழுகிறது.

கும்பலில் ஒருவன் யாருக்கும் தெரியாமல் குதிரை வண்டியில் ஒரு பையில் வைரத்தை ஒளித்து வைக்கிறான். வண்டி ஓட்டுநரின் மகள் ஜெயலலிதா. அவளோ தந்தை சிறை சென்ற பின் ஆண் வேடம் போட்டு ஊர் சுற்றி பிழைப்பு நடத்துகிறாள். இவர் பணக்கார கும்பல் தலைவரின் மகன் ஜெய்சங்கரை சந்திக்கிறாள்.

இதையும் படிங்க… எங்களால முடியாது ராசா… தக் லைஃபில் இருந்து கழண்ட அடுத்த நடிகர்… போச்சா!

இருவரும் காதலிக்கின்றனர். இதற்கிடையில் வைரங்களைத் தேடி கும்பல் வருகிறது. ஜெயலலிதாவையும் கடத்துகிறது. இவர்களிடமிருந்து வைரங்களையும், ஜெயலலிதாவையும் மீட்கிறார் ஜெய்சங்கர். வைரங்களைக் காவல்துறையிடம் ஒப்படைக்கிறார். இதுதான் கதை. கடைசியில் ஜெயலிலதாவின் தந்தையும் விடுதலையாகிறார்.

எம்ஜிஆர், சிவாஜி, ஜெமினி, எஸ்.எஸ்.ராஜேந்திரன், ஏவிஎம்.ராஜன், முத்துராமன் என பலரும் திரை உலகில் கோலோச்சிய காலம். அப்போது தனக்கென தனித்துவமான நடிப்பைக் கொண்டு சினிமாவில் தனியிடத்தைத் தக்க வைத்துக் கொண்டவர் தான் நடிகர் ஜெய்சங்கர். இவரைப்பற்றிய சுவாரசியமான தகவல்களைப் பார்ப்போம்.

வக்கீல் குடும்பத்தைச் சேர்ந்தவர். இவருக்கோ சினிமாவில் மோகம். அதனால் பல கம்பெனிகளில் ஏறி வாய்ப்புத் தேடினார். அப்போது தான் ஜோசப் தளியத் என்ற இயக்குனர் இந்தப் பையன்கிட்ட ஏதோ ஒரு திறமை இருக்கு என்பதைக் கண்டு கொண்டு தனது படத்தில் நடிக்க வைத்தார். அது தான் ஜெய்சங்கருக்கு முதல் படம். பெயர் இரவும் பகலும். முதல் படமே வெற்றி. அடுத்ததாக இவர் நடித்த படம் பஞ்சவர்ணக்கிளி. ஏவிஎம் படைப்பு. கே.சங்கர் இயக்கம்.

படத்தைப் பார்த்ததும் தாய்;மார்கள் அனைவருக்கும் இவரைப் பிடித்துவிட்டது. இவரது சுறுசுறுப்பைக் கண்டுகொண்டது மாடர்ன் தியேட்டர்ஸ் நிறுவனம். இவரை மாதச்சம்பளம் பேசி நடிக்க வைத்தது. வல்லவன் ஒருவன், சிஐடி சங்கர் என பிரம்மாண்டமான படங்களைத் தந்து அசத்தியது. இந்தப் படங்கள் வசூலில் அபார சாதனை படைத்தது.

ஹாலிவுட் நடிகர் ஜேம்ஸ்பாண்ட் பாணியில் தமிழ் சினிமாவில் துப்பறியும் நிபுணராக வந்து அசத்தினார். அவரது நடிப்பைப் பார்த்து ரசிகர்கள் தென்னகத்து ஜேம்ஸ்பாண்டு என்ற பட்டத்தையே கொடுத்துவிட்டனர். இன்னொரு விஷயத்தையும் நாம் கவனிக்க வேண்டும். சிவாஜி நடித்த தங்கச்சுரங்கம், எம்ஜிஆர் நடித்த ரகசிய போலீஸ் படங்களுக்கு ஜெய்சங்கர் தான் முன்னோடி.

அதே நேரம் பொம்மலாட்டம், வரவேற்பு, பூவா தலையா என காமெடிப் படங்களிலும் ரசிகர்களை ரசிக்க வைத்தார் ஜெய்சங்கர். பாலசந்தர் இயக்கிய நூற்றுக்கு நூறு படம் மிகச்சிறந்த நடிகராக்கியது. எம்ஜிஆர், சிவாஜியை வைத்து படம் தயாரிக்க ஆசைப்பட்டவர்கள் அவர்களுக்கு சம்பளம் கொடுக்க முடியாமல் போனால் அவர்களது அடுத்த சாய்ஸ் ஜெய்சங்கர் தான். குறைந்த சம்பளத்தில் தயாரிப்பாளர்களுக்கு எந்தவிதமான இடைஞ்சலையும் தராமல் நடித்துக் கொடுத்து அசத்தினார். கால்ஷீட் சொதப்பல்களும் இருக்காது.

இவர் படங்கள் என்றாலே போட்ட பட்ஜெட்டுக்கு நாலு மடங்கு லாபத்தைத் தந்து விடும். இவர் நடிப்பில் யார் நீ, வைரம், செல்வமகள், டீச்சரம்மா, குழந்தையும் தெய்வமும், கண்ணன் வருவான், மன்னிப்பு, அவசர கல்யாணம் படங்கள் சினிமா ரசிகர்கள் அவசியம் பார்க்க வேண்டியவை.