எம்ஜிஆர், சிவாஜி என இருபெரும் ஜாம்பவான் நடிகர்கள் சினிமாவில் கோலோச்சிய காலகட்டம். நகைச்சுவையில் பல நடிகர்கள் வந்தார்கள். சந்திரபாபு, மனோரமா, நாகேஷ், உசிலைமணி, குண்டு கல்யாணம், போண்டாமணி அப்படி இப்படின்னு வந்து போனாங்க. ஆனால் இவர்களில் நாகேஷைத் தான் பலரும் ரசித்தார்கள். உடல் மொழியே அவருக்கு பிளஸ் பாயிண்ட்.

அவர் படங்களில் நடித்தால் 40 சதவீதம் கேரண்டி. படம் வெற்றி தான் என்று எம்ஜிஆரே தெரிவித்துள்ளார். தேவர் பிலிம்ஸ், ஏவிஎம், பத்மினி பிக்சர்ஸ், ஏ.பி.நாகராஜன் என அனைவரின் படங்களிலும் நடித்துத் தூள் கிளப்பியுள்ளார் நாகேஷ்.

எங்க வீட்டுப் பிள்ளை படத்தில் நாகேஷ் வரும் காட்சிகள் எல்லாம் அதகளமாக இருக்கும். வார்த்தையை மாற்றி மாற்றிப் பேசி நம்மை வயிறு குலுங்க சிரிக்க வைத்து விடுவார். அதே போல தில்லானா மோகனாம்பாள் படத்தில் வைத்தியாக வந்து பட்டையைக் கிளப்புவார்.

திருவிளையாடல் படத்தில் வரும் தருமி கேரக்டரை இன்றும் மறக்க முடியாது. அவ்வளவு அற்புதமான நடிப்பை வெளிப்படுத்தி இருப்பார். சிவாஜிக்கே டஃப் கொடுத்து இருப்பார். அவரிடம் கேள்வி கேட்கும்போது பின்புறமாக கொஞ்சம் கொஞ்சமாக வளைந்து கொண்டே நடந்து கொண்டு கேள்வி கேட்கும் அழகோ அழகு தான். அது அவருக்கு மட்டுமே உரித்தான தனிச்சிறப்பு.

சர்வர் சுந்தரம் படத்தில் நாகேஷ் ஹீரோவாக நடித்து தன்னை ஒரு சிறந்த நடிகர் என்றும் நிரூபித்து இருப்பார். இயக்குனர் சிகரம் பாலந்தர் இயக்கிய படம் இது. அவருக்குப் பிடித்த நடிகர் என்றால் அது நாகேஷ் தான். அடிக்கடி கமலிடம் நாகேஷைப் பார்த்து நடிக்கக் கத்துக்கோங்கப்பான்னு சொல்வாராம்.

nagesh

காதலிக்க நேரமில்லை படத்தில் செல்லப்பாவாக வந்து அசர வைப்பார். பாமா விஜயம், அனுபவி ராஜா அனுபவி படங்கள் அவரது டிரேடு மார்க். எதிர்நீச்சல் படத்தில் மாடிப்படி மாதுவாக வந்து சென்டிமென்ட் சீன்களிலும் தூள் கிளப்பி இருப்பார்.

வேட்டைக்காரன், கலாட்டா கல்யாணம், நூற்றுக்கு நூறு, ஊட்டி வரை உறவு என இவர் நடித்த படங்களைப் பற்றிச் சொல்லிக் கொண்டே போகலாம். அத்தனையிலும் முத்தாய்ப்பான நடிப்பு தான். இவர் சாகாவரம் பெற்ற கலைஞன் என்பார்கள். ஏன்னா எந்தக் கதாபாத்திரம் கொடுத்தாலும் அதில் தனிமுத்திரை பதித்து விடுவார்.

புரட்சித்தலைவரின் பல படங்களில் நகைச்சுவை ஜாம்பவான் நாகேஷ் நடித்து அசத்தியுள்ளார். தமிழ்சினிமாவில் இந்த அளவுக்குப் புகழ் பெற மக்கள் திலகமும் ஒரு காரணம் என்றால் மிகையில்லை.

அப்போது நாகேஷ் நாடகங்களில் நடித்துக் கொண்டிருந்த காலம். ஒரு நாடகத்திற்குத் தலைமை தாங்க எம்ஜிஆர் வந்துள்ளார். நாடகத்தில் நாகேஸ்வரன் என்ற கதாபாத்திரத்தில் நாகேஷ் அட்டகாசமாக நடித்துக் கொண்டு இருந்தாராம். அதில் வயிற்றுவலி நோயாளி வேடம் அவருக்கு. நிஜமான நோயாளியாகவே மாறிப் போய் மாஸ் காட்டினாராம்.

எம்ஜிஆர் நாகேஷின் நடிப்பைப் பார்த்து சிரி சிரின்னு சிரித்தாராம். சிரித்து சிரித்தே ஓய்ந்து போனாருன்னா பார்த்துக்கோங்க.

நாடகம் முடிந்ததும் நாகேஷை மேடைக்கு அழைத்து ஒரு கப்பைக் கொடுத்துள்ளார். அதை வாங்கிய நாகேஷ், எம்ஜிஆரைப் பார்த்து ஒரு கேள்வி கேட்டார். என்னன்னா அது தான் ஹைலைட். அப்படி ஒரு கேள்வியை யாருமே கேட்டுருக்க மாட்டாங்க.

‘அண்ணே எல்லாரு முன்னாடியும் கப்பைக் கொடுத்துட்டீங்க. அப்புறமா பிடுங்கிற மாட்டீங்களே…’ன்னாராம். அது மட்டுமல்லாமல், ‘நான் அவ்வளா ஒண்ணும் நடிக்கல…’ன்னு சொல்லிருக்காரு நாகேஷ். அதைக் கேட்டதும் சிரித்துக் கொண்ட எம்ஜிஆர், ‘நீ தான்பா உண்மையான காமெடியன்’னும் மனசார வாழ்த்தினாராம்.

அப்புறம் நாகேஷின் லெவலே வேறன்னு சொல்லலாம். குறிப்பாக சிவாஜி மற்றும் இயக்குனர் சிகரம் பாலசந்தரையே அசரடித்தவர். பாலசந்தர் ரஜினி, கமலைப் பார்த்து அவர்கள் சிரமப்படும் நேரத்தில் நாகேஷ்னு ஒரு நடிகன் இருக்கான். அவன் மட்டும் இந்தக் காட்சியில நடிச்சிருந்தா…ன்னு அடிக்கடி சொல்லி கடுப்பேற்றுவாராம்.

படகோட்டி, நாளை நமதே, அன்பே வா, தாழம்பூ, எங்க வீட்டுப் பிள்ளை, உலகம் சுற்றும் வாலிபன், படகோட்டி, குடியிருந்த கோயில், பணக்காரக் குடும்பம் என பல படங்களில் எம்ஜிஆருடன் இணைந்து நாகேஷ் நடித்துள்ளார்.

எம்ஜிஆர், நாகேஷ் இருவரும் நடித்த படங்கள் என்றாலே அது சூப்பர்ஹிட் தான். உலகநாயகன் கமலும் கூட நாகேஷின் ரசிகன் தான் நான் என்று ஒருமுறை தெரிவித்துள்ளார்.