சித்தாரா என்டர்டெயின்மெண்ட்ஸ் தயாரிப்பில் சூர்யா, மமிதா பைஜு, ராதிகா சரத்குமார், ரவீனா டாண்டன், ராஜீவ் மேனன், நாசர், காளி வெங்கட், பவானிஸ்ரீ, சுனில் உள்ளிட்ட பலர் நடித்துள்ள விஸ்வநாத் அண்ட் சன்ஸ் படத்தை வாத்தி, லக்கி பாஸ்கர் படங்களை இயக்கிய வெங்கி அட்லூரி இயக்கியுள்ளார். இந்த படத்துக்கு ஜி.வி. பிரகாஷ் குமார் இசையமைத்துள்ளார்.

வாரிசு படம் போல குடும்ப ரசிகர்களை டார்கெட் செய்து சூர்யா நடித்துள்ள இந்த விஸ்வநாத் அண்ட் சன்ஸ் வாரிசு படத்தை போல கிரிஞ்சாக இல்லாமல் எதிர்பார்த்த அளவுக்கு ஃபீல் குட் படமாகவே வந்துள்ளது.

துப்பாக்கிச் சுடும் வீரராக விஸ்வநாத் கதாபாத்திரத்தில் அப்படியே அந்த கதாபாத்திரத்தின் எண்ண ஓட்டம், விஸ்வநாத் திருமணத்தை வெறுப்பது ஏன்? கோடீஸ்வர வாழ்க்கை வாழ்ந்தாலும் குடும்ப பந்தயத்தில் இணைய முடியாமல் அவரை எது தடுக்கிறது.

வாரிசுக்காக அவர் பார்த்த ஒரு வேலையால் அவருக்கும் மமிதா பைஜுவுக்கும் இடையே ஏற்படும் ஒரு உறவு? ஆனால், ரொம்ப ஒட்டாத அப்புறம் வருத்தப்படுவ என அட்வைஸ் சொல்லி மமிதா பைஜுவை அனுப்பி விடுவது என பொறுப்புள்ள ரிச் மேன் கதாபாத்திரத்தில் கச்சிதமாக நடித்துள்ளார் சூர்யா.

மரியம் ஜார்ஜ் வரும் அந்த டிவி இண்டர்வியூ சீன் சூர்யா மீது மமிதா பைஜுவுக்கு காதலை வரவைக்கும் காட்சி எல்லாம் ரசிக்கவும் சூர்யாவுக்கு இப்படியொரு சூப்பரான படத்தைக் கொடுத்து விட்டாரே வெங்கி அட்லூரி என்றும் கைதட்ட வைக்கிறது.

சூர்யா, மமிதா பைஜுவை தாண்டி இந்த படத்தை அதிகம் தாங்கிப் பிடிப்பது நடிகை ராதிகா சரத்குமார் தான். அசால்ட்டாக அவர் வரும் காட்சிகளில் எல்லாம் மொத்த பேரையும் தனது நடிப்பால் காலி செய்து ரசிகர்களை மகிழ்விக்கிறார். 

2வது பாதியில் அவர் இல்லாதது தான் படத்திற்கு பெரிய குறையாகவே மாறிவிடுகிறது. அப்பாவாக நடித்துள்ள ராஜீவ் மேனன் நடிகை ரவீனா டாண்டனை 2வது திருமணம் செய்துக் கொள்வதால் தான் திருமணத்தையே சூர்யா வெறுக்கிறார் என்பது போன்ற காரணங்கள் ரொம்பவே வலிமையுடன் சொல்லப்பட்டுள்ளது.

ஆனால், முதல் பாதி படத்துக்கும் 2வது பாதி படத்துக்கும் மார்க் போட வேண்டும் என்றால் முதல் பாதி 80 மார்க்கையும் 2வது பாதி 50 மார்க்குடன் ஜஸ்ட் பாஸ் ஆகிறது.

குடும்பத்துடன் தியேட்டருக்குச் சென்று இந்த வாரம் பார்க்க ஒரு தரமான படத்தையே சூர்யா கொடுத்துள்ளார். தமிழ், தெலுங்கு என 2 மொழிகளிலும் இந்த படம் சிறப்பாகவே ஓடும் என்றே தோன்றுகிறது. சூர்யா ரசிகர்களை தாண்டி பொது மக்களையும் நிச்சயம் இந்த விஸ்வநாத் அண்ட் சன்ஸ் படம் கவரும்.

விஸ்வநாத் அண்ட் சன்ஸ் – குட் பாய்!
ரேட்டிங் – 3.75

அருண் மாதேஸ்வரன் படங்கள் என்றாலே ஸ்லோமோஷனில் தூங்க வைத்து நகரும் திரைக்கதையை பார்த்து பார்த்து இந்த முறையும் அப்படி ஒரு படத்தை தான் பார்க்கப் போகிறோம் என முன் முடிவுடன் தியேட்டருக்கு பெரிய ஹைப் இல்லாமல் போய் அமர்ந்த விமர்சகர்களையே தம்பி இது லோகேஷ் கனகராஜ் படம்ப்பா என தட்டி எழுப்பிவிட்டனர்.

இந்த படத்தில் உள்ள விறுவிறுப்பில் ஒரு பாதியாவது ரஜினிகாந்த் நடித்த மல்டி ஸ்டாரர் படமான கூலி படத்தில் இருந்தால் அந்த படம் அசால்ட்டாக 1000 கோடி வசூல் செய்திருக்கும். அனிருத் ஜெயிலர் 2வுக்கு முன்னதாக டிசி படத்திலேயே தனது பெரிய சம்பவத்தை செய்து சாய் அபயங்கரிடம் இருந்து ரசிகர்களை சற்றே காப்பாற்றியுள்ளார்.

பார்வதியாக சஞ்சனா கிருஷ்ணமூர்த்தி வாம்மா மின்னல் என்பது போல வந்த வேகத்தில் செத்துப் போகிறார். பார்வதியை பறிகொடுத்த தேவதாஸ் சந்திராவுடன் சேர்ந்தாரா? இல்லையா? என்பதை ரத்தம் தெறிக்க தெறிக்க ஒரு ரா ஆக்‌ஷன் படமாக அருண் மாதேஸ்வரன் கொடுத்துள்ளார். 

அனிருத் இசைக்காகவே 200 ரூபாய் கொடுத்து தியேட்டருக்குப் போய் இந்த டிசி படத்தை பார்க்கலாம். 2 மணி நேரம் 27 நிமிடமும் பட்டாசு தான்.

டிசி – பிளாக்பஸ்டர்!

ரேட்டிங் – 3.75