Author: adminram

தமிழக அரசியல் களத்தில் வாக்கு எண்ணிக்கை இறுதிக்கட்டத்தை எட்டியுள்ள நிலையில், விஜய் மற்றும் அவரது கட்சியான தமிழக வெற்றிக் கழகம் முன்னிலை வகித்து வருவதாக தகவல்கள் வெளியாகியுள்ளன. இதனைத் தொடர்ந்து, விக்ரம், சிவகார்த்திகேயன், கவின், விக்ராந்த், காஜல் அகர்வால், ஜீவா உள்ளிட்ட பல திரைப் பிரபலங்கள் விஜய்க்கு வாழ்த்துகளைத் தெரிவித்து வருகின்றனர்.

தமிழ் திரையுலகின் முன்னணி நடிகர்கள், இயக்குநர்கள் மற்றும் தயாரிப்பாளர்கள் சமூக வலைதளங்கள் மூலம் தங்களது பாராட்டுகளை பகிர்ந்து வருகின்றனர். “இது ஒரு புதிய தொடக்கம்”, “உங்கள் முயற்சி வெற்றி பெறட்டும்” போன்ற வாழ்த்துச் செய்திகள் தொடர்ந்து வெளியாகி வருகின்றன.

நடிகர் சிவகார்த்திகேயன் போட்டியிட்ட முதல் தேர்தலில் இவ்வளவு பெரிய தாக்கத்தை மக்கள் மத்தியில் ஏற்படுத்தி இந்த வெற்றியை பெற்றிருக்கும் விஜய் சாருக்கு வாழ்த்துகள் நீங்கள் திரைத்துறையை சார்ந்தவர் என்பதில் கூடுதல் மகிழ்ச்சி, மக்கள் பணி சிறக்க வாழ்த்துகள் சார் என்று பதிவிட்டுள்ளார்.

நடிகர் விக்ராந்த் வரலாறு படைக்கப்பட்டுள்ளது,உங்களை நினைத்து மிகவும் பெருமைப்படுகிறேன் மிகவும் மிகவும் மகிழ்ச்சி தமிழ்நாடு மக்கள் உங்கள் மீதும் உங்கள் தொலைநோக்குப் பார்வையின் மீதும் எவ்வளவு நம்பிக்கை வைத்திருக்கிறார்கள் என்பதை இது காட்டுகிறது. உண்மையிலேயே இது ஒரு புதிய சகாப்தத்தின் தொடக்கம் என்று தனது வாழ்த்துக்களை பகிர்ந்துள்ளார்.

“நான் ஒரு தடவை சொன்னா, நூறு தடவை சொன்னா மாதிரி” இன்று, மக்கள் அதை முழு நம்பிக்கையுடன் எதிரொலித்துள்ளனர். இந்த அற்புதமான மற்றும் மகத்தான வெற்றிக்கு விஜய் அவர்களுக்கு மனமார்ந்த வாழ்த்துக்கள்! இந்தத் தருணம் உங்கள் தொலைநோக்குப் பார்வைக்கும், உங்கள் விடாமுயற்சிக்கும், மக்கள் உங்கள் மீது வைத்திருக்கும் அசைக்க முடியாத அன்புக்கும் ஒரு உண்மையான சான்றாகும்.
தமிழ்நாடு மக்கள் உரக்க, தெளிவாக, மிகுந்த பெருமையுடன் தங்கள் கருத்தைத் தெரிவித்துள்ளனர். இது வெறும் வெற்றி மட்டுமல்ல, கோடிக்கணக்கான மக்களுடன் ஏற்பட்ட ஆழமான, வலிமையான பிணைப்பின் கொண்டாட்டம்.

உத்வேகம் தரும் இந்த புதிய அத்தியாயத்தில் நீங்கள் அடியெடுத்து வைக்கும்போது, ​​உங்களுக்கு மிகுந்த வலிமையும் வெற்றியும் கிடைக்க வாழ்த்துகிறோம். பலரும் எதிர்பார்க்கும் மாற்றத்தை நீங்கள் கொண்டு வருவீர்களாக. இந்த மகத்தான சாதனைக்கு மீண்டும் ஒருமுறை வாழ்த்துக்கள்! உங்கள் தலைமைத்துவத்தை ஆவலுடன் எதிர்பார்க்கிறேன், மேலும் மாநிலத்தின் எதிர்காலம் சிறப்பாக அமையும் என நம்புகிறேன் என காஜல் அகர்வால் தெரிவித்துள்ளார்.

மேலும் நடிகர் ஜீவா விசிலடித்து வாழ்த்து கூறியுள்ளது தற்போது சமூக ஊடகங்களில் வைரலாகி வருகிறது. இந்நிலையில், சமூக வலைதளங்களில் #VijayPoliticalEntry மற்றும் #TVKVictory போன்ற ஹாஷ்டேக்குகள் டிரெண்டாகி வருகின்றன.