Author: sankaran v

தமிழ்த்திரை உலகில் பண்டிகைக் காலங்களுக்கு ஏற்ப துள்ளல் மிக்கப் பாடல்களைப் போட்டு ரசிகர்களை உற்சாக வெள்ளத்தில் ஆழ்த்துபவர் இசைஞானி இளையராஜாவுக்கு நிகர் அவர் தான்… என்னென்ன பாடல்கள் என்று பார்க்கலாமா…

பொங்கலுக்காக இளையராஜா போட்ட பாடல் இன்று வரை நம்மால் மறக்க முடியாது. பண்டிகைகள் காலம் என்றாலே அவரது இசையில் ஒரு துள்ளல் வந்து விடும். சிறு குழந்தைகள் முதல் பெரியவர்கள் வரை அத்தனை பேருமே அந்த இசைக்கு அடிமை தான். அப்படி உருவான ஒரு பாடல் தான் மகாநதி படத்தில் வருகிறது.

தைப்பொங்கலும் வந்தது. பாலும் பொங்குது என்ற இந்தப் பாடல் தான் ஆண்டுதோறும் வரும் பொங்கல் நாளில் டிவி, ரேடியோ, செல் போன் என அனைத்து சாதனங்களிலும் ப்ரோமாவாகவும், ரிங் டோனாகவும் களைகட்டுகிறது.

பண்டிகைகளுக்கு ஏற்ப பாடல் கொடுப்பதில் இளையராஜா என்றுமே ராஜாதான். புது வருடம் பூத்தால் போதும். சகலகலாவல்லவன் படத்தில் இளமை இதோ இதோ என்று இளம் உள்ளங்களைத் துள்ளச் செய்து விடுவார். அதே போல போகிப்பண்டிகையான இன்றைய தினத்தில் அவரது சிறப்பு பாடல் ஒன்றும் கொண்டாடப்பட்டு வருகிறது.

தளபதி படத்தில் வரும் மார்கழி தான் ஓடிப்போச்சு… போகியாச்சு ஹோய்… என்ற இந்தப் பாடல் செம மாஸ். அதே படத்தில் காட்டுக்குயிலு மனசுக்குள்ள பாடலில் இடையே போகிப்பண்டிகையைக் கொண்டாடும் விதமாக ஒரு வரி வரும்.

போடா எல்லாம் விட்டுத் தள்ளு, பழசை எல்லாம் சுட்டுத்தள்ளு என்று அற்புதமாக இருக்கும். அதே போல தை பொறக்கும் நாளை… விடியும் நல்ல வேளை… பொங்க பாலு வெள்ளம் போல பாயலாம்… அச்சுவெல்லம், பச்சரிசி, வெட்டி வச்ச செங்கரும்பு அத்தனையும் தித்திக்கிற நாள் தான் என பொங்கலை உற்சாகமாக வரவேற்கும் வகையில் இந்தப் பாடல் அமைக்கப்பட்டு இருக்கும். அதே போல தீபாவளி என்றால் நாயகன் படத்தில் வரும் நான் சிரித்தால் தீபாவளி பாடல் தான் நம் நினைவுக்கு வரும்.

நடிக்கும்போது கண்களால் பேசுபவர்கள் ஒரு சில நடிகர்கள் தான் உண்டு. அவர்களைப் பார்த்தாலே ரொம்பவும் திறமை வெளிப்படும். அவர்களது நடிப்பும் வெகு சுவாரசியமாக இருக்கும். அப்படிப்பட்ட நடிகர்களில் ஒருவர்தான் கரண். அவர் 90களில் தமிழ்சினிமா உலகில் கொடிகட்டிப் பறந்தார். அதன்பிறகு அவரது மார்க்கெட் சரிந்தது ஏன் என்று பார்க்கலாமா…

நடிகர் கரண் எப்போதுமே சிறந்த நடிப்பை வெளிப்படுத்துபவர். இவர் சில சமயங்களில் ஹீரோவுக்கே டஃப் கொடுக்கும் அளவுக்கு அசாத்தியமான நடிப்பை வெளிப்படுத்தி விடுவார். நம்மவர் படத்தில் அப்படிப்பட்ட நடிப்பு தான். கமலுக்கு வில்லனாக வந்து அசத்தியவர் கரண். இவரது நடிப்பு மிகவும் ரசிக்கத்தக்க வகையில் இருக்கும்.

அதே போல அஜீத் நடித்த படங்களிலும் இவரது நடிப்பு அபாரமாக இருக்கும். ஒரு காலத்தில் இவருக்கு மார்க்கெட் உச்சத்தில் இருந்தபோது தனக்கு எந்த கேரக்டர் வந்தாலும் ஓகே சொல்லிவிடுவாராம். அந்தக் கதாபாத்திரம் எப்படிப்பட்டது என்று கூட பார்க்காமல் ஓகே சொல்வாராம். விஜய், அஜீத், கார்த்திக், முரளி படங்களில் 2வது கதாநாயகனாக நடித்து அசத்தியுள்ளார். அதே போல வில்லனாகவும் நடித்துள்ளார்.

சொல்லாமலே படத்தில் லிவிங்ஸ்டன் தான் ஹீரோ. அவருக்காக இந்தப் படத்தில் 2வது கதாநாயகனாக கரண் நடிக்க சம்மதித்தார். அவருக்கு எப்போதும் வருமானம் வந்து கொண்டே இருந்தது. ஒரே நேரத்தில் 12 செக் வரை டெபாசிட் செய்வாராம்.

2000களின் ஆரம்பத்தில் அவர் அஜீத், விஜய் ஆகியோரை விட உடல் எடையை அதிகரித்து விட்டார். கரண் 9 படங்கள் வரை கதாநாயகனாகவே நடித்துப் பார்த்தார். அதில் சம்பாதித்த பணம் முழுவதையும் இழந்து நஷ்டமானார். அந்த வகையில் விவேக் ஒரு சமயம் அவரது கஷ்டங்களைப் புரிந்து கொண்டு அவரது படங்களில் சம்பளம் இல்லாமல் நடித்தார்.

சத்யராஜூம் கரணின் சூழ்நிலையால் சம்பளம் வாங்காமலே நடித்தார். அவர் திரும்பவும் பீல்டுக்குள் வருவதற்குள் வயதாகி விட்டது. அவர் தேர்ந்தெடுத்த கதைகளும் சொல்லும்படியாக இல்லை. இதனால் தான் மிகவும் திறமைவாய்ந்த நடிகரான கரண் தனது மார்க்கெட்டைத் தக்க வைக்க முடியாமல் பீல்டு அவுட் ஆனார்.

1957ல் பானுமதி நடித்த படங்கள் 4. அவை அனைத்திலும் நடிகர் திலகம் சிவாஜி தான் நடித்திருந்தார். பிப்ரவரி 27ல் மக்களைப் பெற்ற மகராசி படம் வெளியானது. இதுதான் தமிழ்சினிமாவின் முதல் வட்டார மொழி படம். கொங்கு நாட்டு பாஷை பேசும் செங்கோடனாக சிவாஜியும், அவரது முறைப்பெண் பொன்னுரங்கமாக பானுமதியும் நடித்தனர். போறவளே போறவளே பொன்னுரங்கம் பாடலை டிஎம்எஸ்.சுடன் பானுமதி இணைந்து பாடி பட்டையைக் கிளப்பி இருந்தார்.

பானுமதி அசோகனை ஹீரோவாக்கி மணமகன் தேவை படத்தைத் தொடங்கினார். இது காமெடி படம். அவரை மையப்படுத்தியே திரைக்கதை அமைக்கப்பட்டு இருந்தது. அதன்பிறகு அசோகனை விலக்கி விட்டு ஹீரோவாக சிவாஜியை நடிக்க வைத்தார். சந்திரபாபு, டி.ஆர்.ராமச்சந்திரன் ஆகியோரும் படத்தில் நடித்தனர். சிவாஜியுடன் நடித்தது ஒரு வித்தியாசமான அனுபவமாக பானுமதிக்கு இருந்தது. சொக்கா போட்ட நவாபு, வாங்க மச்சான் வாங்க என பல சூப்பர்ஹிட் குத்துப்பாடல்கள் இந்தப் படத்தில் இருந்தது.

ஆரூர்தாஸின் ஆசான் தயாரிப்பு ராணி லலிதாங்கி. பிரபல நடிகர் ஒருவர் கழுத்தில் ருத்ராட்ச மாலை அணிந்து ஆண்டவனே இல்லையே தில்லைத்தாண்டவனே உன்போல் ஆண்டவனே இல்லையே என பாடி நடிக்க வேண்டும் என மூடநம்பிக்கைக் கருத்துக்கள் வருகின்றன.

திமுக கொள்கைகளுக்கு விரோதமாக நடிக்க மாட்டேன் என்று அந்த பிரபல நடிகர் விலகி விட்டார். ஆனால் அதே படத்தை சிவாஜியை வைத்து எடுத்து முடித்து வெற்றி கண்டார் தஞ்சை ராமையா தாஸ். இவர் ஜெயிக்க ஒத்துழைத்தவர் யார் தெரியுமா? பானுமதி தான். லலிதாங்கியாக நடித்தவர் பானுமதி. இவரைத் தவிர வேறு யாரும் நடித்து இருந்தால் அந்த பிரபல நடிகருக்குப் பயந்து நடிக்காமல் போயிருப்பார்களாம்.

பானுமதியும், நடிகர் திலகமும் நடித்த படம் அம்பிகாபதி. இந்தப் படத்தில் இருவருக்கும் சண்டையே வந்துவிட்டதாம். என்ன காரணமோ தெரியவில்லை. ஆனால் படத்தில் நடித்த ஒரு சில காதல் காட்சிகளுக்கு உயிர் ஊட்டுவதற்காக தனது சின்ன சின்ன சண்டைகளை மறந்து அருமையாக நடித்தார்களாம்.

இதையும் படிங்க…அந்த ஹீரோவால் மார்க்கெட்டை இழந்த நடிகை ஹீரா!.. இவ்வளவு விஷயம் நடந்திருக்கா?

நடிகர் திலகத்துடன் பானுமதி 10 படங்களில் இணைந்து நடித்துள்ளார். கள்வனின் காதலி, தெனாலி ராமன், ரங்கோன் ராதா, மக்களைப் பெற்ற மகராசி, மணமகன் தேவை, ராணி லலிதாங்கி, அம்பிகாபதி, சாரங்கதாரா, ராஜபக்தி, அறிவாளி என்ற படங்கள் தான் அவை. நடிகர் திலகம் குறித்து பானுமதி ஒரு பேட்டியில் இவ்வாறு தெரிவித்துள்ளார்.

நான் எத்தனையோ நடிகர்களுடன் நடித்துள்ளேன். எல்லா ஹீரோக்களும் என்னை நெருங்க பயப்படுவார்கள். சிவாஜி போல திறமையான நடிகரை நான் பார்த்ததே இல்லை. அவர் ஒரு பிறவி நடிகர். மாறுபட்ட உணர்ச்சிகளை மின்னல் வேகத்தில் மாற்றி வெளிக்காட்டக்கூடிய அபூர்வ ஆற்றல் பெற்றவர் என்றாராம்.