Author: sankaran v

பாக்யராஜ் நடித்த படங்கள் என்றாலே அவை தாய்மார்களைப் பெரிதும் கவர்வதாகவே இருக்கும். அவர் எல்லாப் படங்களிலும் ஹீரோவாகவே நடிப்பார். ஆனால் தப்பித்தவறி கன்னிப்பருவத்திலே என்ற படத்தில் வில்லனாக நடித்து விட்டார். படத்தைப் பார்த்த ரசிகர்கள் அவர் மீது கோபம் கொண்டு கண்டம் துண்டமாக வெட்ட நினைத்தார்களாம். கதை, திரைக்கதை வசனம் எழுதியவர் பாக்யராஜ் தான். சங்கர் கணேஷ் இசை அமைத்து இருந்தார். இந்தப் படத்தின் கதை இதுதான்.

ராஜேஷ் மஞ்சுவிரட்டில் காளையை அடக்குவார். அவரிடம் மனதைப் பறிகொடுக்கிறார் வடிவுக்கரசி. இருவரும் திருமணம் செய்து கொள்கின்றனர். முதலிரவின்போது ராஜேஷ் மனைவியிடம் நெருங்குகிறார். ஆனால் அவளுக்கோ நெஞ்சுவலி வருகிறது. டாக்டரிடம் சென்று பார்த்தால், மாடு முட்டியதால் தான் இந்த விளைவு என்கிறார். மேலும் மனைவியிடம் சேராமல் இருப்பது தான் நல்லது என்கிறார்.இதனால் இருவரும் அதிர்ச்சி அடைகின்றனர்.

இந்த நிலையில் ராஜேஷின் நண்பராக வரும் பாக்யராஜ் ஊரிலிருந்து கிராமத்திற்கு வருகிறார். நண்பனின் மனைவி என்ற முறையில் வடிவுக்கரசியிடம் பழகுகிறார். ஒரு முறை ஒரு சம்பவத்தால் இருவரும் கட்டிப்பிடிக்கும் நிலை உண்டாகிவிடுகிறது. அதில் இருந்து பாக்யராஜ் வடிவுக்கரசி மீது சபலம் கொண்டு அவரை அடைய நினைக்கிறார்.

அதே நிலையில் ராஜேஷ் ஆண்மை இல்லாதவர் என்று தெரிந்து விடுகிறது. பாக்யராஜ் இதை வைத்து வடிவுக்கரசியை டார்ச்சர் செய்கிறார். மறுபக்கம் இன்னொரு திருமணம் செய்து கொள் என்கிறார் ராஜேஷ். கதை இப்படி போகிறது. வடிவுக்கரசி என்ன செய்கிறார் என்பது தான் கதை.

இதையும் படிங்க… விஜயகாந்த் சாப்பாடு தான போட்டு இருக்காருனு யோசிச்சீங்கனா… அப்போ இத படிங்க.. சிலிர்க்கும்..!

பட்டுவண்ண ரோசாவாம், நடைய மாத்து, ஆவாரம் பூமணி ஆகிய பாடல்கள் சூப்பர்ஹிட்டானவை. படத்தில் பாக்யராஜ் நெகடிவ் ரோலில் நடித்தாலும் 100 நாள்களைக் கடந்து ஓடி வெற்றி பெற்று விட்டது. படத்தில் ராஜேஷின் நடிப்பு அபாரமானது. எஸ்.ஏ.ராஜ்கண்ணு இந்தப் படத்தைத் தயாரித்தார். பாலகுரு இயக்கினார்.

சிவாஜியைப் பொருத்தவரை அவர் தான, தர்மம் என எதுவும் செய்தது இல்லை என்று சொல்வார்கள். ஆனால் அவர் செய்த உதவி அளவில் பெரியது. ஆனால் வெளியே தெரியாமல் விளம்பரப்படுத்தாமல் செய்ததால் அது யாருக்கும் தெரியாமல் போய்விட்டது. இதற்கான ஆதாரப்பூர்வமான தகவல்களும் உள்ளனவாம். இவற்றைப் பற்றிப் பார்க்கலாமா…

சிவாஜி பெரிய கொடைவள்ளல். ஆனால் அவை எல்லாம் வெளியே தெரியவில்லை. 1953ம் ஆண்டு ஈழத்தில் யாழ்ப்பாணத்தில் மருத்துவமனை கட்ட ரூ.25 ஆயிரம் கொடுத்துள்ளார். இதற்காக என் தங்கை என்ற நாடகம் போட்டு அந்த வசூலைக் கொடுத்தாராம். அவர் சினிமாவுக்கு வந்ததே 1952ல் தான்.

1959ல் சென்னை மேயரின் ஏழைக் குழந்தைகளுக்கான மதிய உணவு திட்டத்திற்கு அன்றைய பிரதமர் நேருவிடம் ரூ.1லட்சம் கொடுத்துள்ளார். அதன்பிறகு சென்னையில் உள்ள ஸ்டான்லி மருத்துவனைக்கு குழந்தைகள் மருத்துவத்திற்காக ரூ.2000 நிதி உதவியாகக் கொடுத்துள்ளார்.

1960ல் புயல் வந்தபோது 1 லட்சம் உணவுப் பொட்டலங்களும், குழந்தைகளுக்காக 1000 பவுண்டு பால் பவுடரும், 800 அரிசி மூட்டைகளும் அன்றைய காங்கிரஸ் அரசின் முதல் அமைச்சர் காமராஜரிடம் அளித்தார். அன்றைய மதிப்பு ரூ.5 லட்சத்து 50 ஆயிரம். அப்பவே இவ்ளோ தொகையைக் கொடுத்து இருக்கிறார் என்பது பெரிய விஷயம்.

இதையும் படிங்க… அப்பா கொடுத்த சொத்தை ஏழைகளுக்கு கொடுத்த விஜயகாந்த்!.. அதன்மதிப்பு இவ்வளவு கோடியா?!..

கம்யூனிஸ்ட் கட்சி தலைவர் ஜீவானந்தம் விவசாய நலனுக்காக நிதி திரட்டுகிறார் என்றதும், அவருக்கு ரூ.5லட்ச ரூபாயை அன்பளிப்பாகக் கொடுத்தாராம். இந்த தொகையைப் பெற வீதி வீதியாக வீரபாண்டிய கட்டபொம்மன் நாடகத்தைப் போட்டு வசூல் செய்தாராம். இது தன் கட்சியின் எதிரியான கம்யூனிஸ்ட் கட்சிக்கேக் கொடுத்துள்ளார்.

அது மட்டுமல்லாமல் மகாராஷ்டிராவில் உள்ள ஏழைக்குழந்தைகளின் படிப்புக்காக ரூ.5லட்சம் கொடுத்துள்ளார். 1961 ல் சென்னை கிழக்கு தாம்பரத்தில் உள்ள புற்றுநோய் மருத்துவமனை கட்டட நிதிக்கு ரூ.1லட்சத்தை அன்றைய பிரதமர் நேருவிடம் கொடுத்தார் சிவாஜி.

பாசமலர் படத்தின் இந்திப்பதிப்பு மிகப்பெரிய வசூல் சாதனை செய்தது. அவை அனைத்தையும் இந்திய சீனப்போருக்காக நேருவிடம் கொடுத்தாராம். மதுரை பாத்திமா காலேஜில் ஒரு பில்டிங் கட்டுவதற்காக ரூ.25 ஆயிரம் கொடுத்தாராம்.

இதையும் படிங்க… திடீரென தேவைப்பட்ட பாட்டு!.. மேஜிக் செய்த இசைஞானி!. ஒரே நாளில் எடுக்கப்பட்ட ரஜினி பாட்டு!..

வீரபாண்டிய கட்டபொம்மன் நாடகத்தை 112 முறை நடத்தி அந்த வசூல் தொகை ரூ.32 லட்சத்தையும் கல்லூரிகள், பள்ளிகள் மேம்பாட்டிற்காக அன்றைய காங்கிரஸ் அரசிடம் அப்படியே கொடுத்தாராம். இதுவரை எந்த சினிமா நடிகரும் கல்வி, விவசாயம், மருத்துவத்திற்காக யாரும் செய்ததே இல்லையாம்.

மும்பையில் உள்ள சத்ரபதி சிவாஜி சிலை அமைக்க ரூ.1லட்சம் நன்கொடையாகக் கொடுத்தார். மதுரை சரஸ்வதி பள்ளி 64ல் இடிந்து பாதிக்கப்பட்டது. அதற்கு ரூ.1லட்சம் நிதியைக் கொடுத்தார்.

கர்ணன் படப்பிடிப்பின்போது தஞ்சை அரண்மனை சென்றபோது அங்குள்ள பள்ளியைப் பார்வையிடுகிறார். அங்கு கழிவறை வசதிக்காக ரூ.10 லட்சம் நன்கொடையைக் கொடுத்துள்ளார். 1964ல் மகாராஷ்டிராவில் கொய்னா என்ற அணை உடைந்து விட்டது. அதை சரிசெய்ய அம்மாநில முதல்வர் ஒய்.பி.சவானிடம் ரூ.13 லட்சத்தைக் கொடுத்துள்ளார்.

1967ல் பட்டியல் சமுதாயத்தினருக்காக காரைக்குடி பகுதியில் 2.5 ஏக்கர் நிலத்தைக் கொடுத்தாராம். இது போல தொடர்ந்து இந்தியா, பாகிஸ்தான் யுத்த நிதி ரூ.1லட்சம், சென்னை தீவிபத்து, திருச்சி ஜவான் முகமது கல்லூரி ரூ.1.38 லட்சம் என பல்வேறு நன்கொடைகளைக் கொடுத்துள்ளார். இவர் 1950 முதல் 1967ம் ஆண்டு வரை செய்த நன்கொடையின் மொத்த மதிப்பு ரூ.210 கோடியே 75 லட்சம். 1968 முதல் 1973 வரை கொடுத்த தொகை ரூ.33.28 கோடியும் கொடுத்துள்ளார்.

ஆக இப்படியே வாழ்நாள் முழுவதும் நன்கொடை கொடுத்துள்ள சிவாஜி ஒட்டுமொத்தமாக ரூ.310.34 கோடி கொடுத்துள்ளார். ஆனால் இவ்வளவு செய்த சிவாஜியின் கப்பலோட்டிய தமிழன் படத்துக்கு வரி விலக்குக் கூட அன்றைய காங்கிரஸ் அரசு தரலயாம். அதன்பிறகு அண்ணாவின் ஆட்சியில் தான் வரிவிலக்கு தந்தார்களாம்.

அலைகள் ஓய்வதில்லை படத்திற்கு பாரதிராஜா ஹீரோ கிடைக்காமல் தேடித் தேடி அலைந்தாராம். அப்போது அவருக்கு கிடைத்தவர் தான் நவரச நாயகன் கார்த்திக். எப்படி கிடைத்தார்னு பிரபல சினிமா தயாரிப்பாளர் சித்ரா லெட்சுமணன் சொல்ல கேட்போம்.

பாரதிராஜாவைப் பொருத்தவரை ஒருவரைப் பார்த்தாலே போதும். அவர் எந்த அளவு நடிப்பார் என்பது அவருக்குத் தெரிந்து விடும். நவரச நாயகன் என்றாலே கார்த்திக் தான். பைலட் ஆக வேண்டும் என்று ஆசைப்பட்டாராம். பாரதிராஜாவின் 10வது படம் அலைகள் ஓய்வதில்லை.

பாரதிராஜா 16 வயதினிலே எடுத்த போது நான் பத்திரிகையாளனாக இருந்தேன். அவரும் நானும் நெருங்கிய நண்பர்கள். அலைகள் ஓய்வதில்லை எடுத்த போது என்னை உதவி இயக்குனராக வருகிறாயா எனக் கேட்டார். அப்போது எனக்கு வருமானம் நல்லா வந்தபோதும், பாரதிராஜாவிடம் உதவி இயக்குனராக சேர்ந்தேன்.

இதையும் படிங்க… ஃபர்ஸ்ட் படமே அப்படி யாராலும் பண்ண முடியாது! தனுஷ் படத்தை பற்றி சிவகார்த்திகேயனா இப்படி சொன்னது?

பாரதிராஜாவின் 7வது படம் நிழல்கள். எல்லோரும் புதுமுகங்கள். அது தோல்வி அடைந்தது. நிழல்கள் படத்திற்கு கதை வசனம் எழுதியவர் மணிவண்ணன். அந்தப் படம் தோல்வி அடைந்த போதும் அவரது கதையையே அடுத்த படமான அலைகள் ஓய்வதில்லைக்கும் தேர்ந்தெடுத்தார்.

படத்தில் கதாநாயகியாக நடிக்க அம்பிகாவின் தங்கை ராதாவைத் தேர்ந்தெடுத்தார். ஆனால் கதாநாயகன் கிடைக்கவில்லை. படப்பிடிப்பு நாள் நெருங்கிக் கொண்டு இருந்தது. அந்த சூழலில் தான் ராயப்பேட்டையில் பள்ளியில் படித்த மாணவனை தேர்ந்தெடுத்தார். என்னிடம் அந்த மாணவனைக் காட்டினார். எனக்கு அவன் ஹீரோவுக்கு சரியாக இருப்பான் என்று தோன்ற வில்லை. என்னுடைய கருத்தை சொன்னேன்.

இன்னும் எவ்வளவு நாள் தான் தேடுவது என்றார். இன்னும் ஒரு நாள் மட்டும் தேடுவோம். கிடைக்கவில்லைன்னா இந்தப் பையனையே அழைத்துச் செல்வோம் என்றேன். ஒவ்வொரு கல்லூரியாக தேட ஆரம்பித்தோம். எவ்வளவு தேடியும் கதாநாயகன் கிடைக்கவில்லை. அப்போது அட்லாண்டிக் ஓட்டலுக்கு காபி சாப்பிட சென்றார்களாம். அப்போது அவர்களுடன் குரு, டிக் டிக் டிக் படங்களைத் தயாரித்த ஆர்.சி.பிரகாஷ்சும் வந்திருந்தார்.

இதையும் படிங்க… மீண்டும் திரையில் விஜயகாந்த்!.. விரைவில் வெளியாகும் ஊமை விழிகள் 2.. குட் நியூஸ் சொன்ன இயக்குனர்…

பாரதி ராஜா அப்போது தான் தனது காரை ஓட்ட ஆரம்பித்தாராம். அப்போது ஒரு மாணவன் மீது காரை மோதி விட்டார் பாரதிராஜா. அந்த மாணவனுக்கு ஆஸ்பிட்டலில் ட்ரீட்மென்ட் கொடுத்தோம். அப்போது முத்துராமன் வீடு வழியாக கார் சென்றது. அங்கு அவரது மகன் முரளி பேட்மிட்டன் விளையாடிக் கொண்டு இருந்தார். சிறிது நேரத்தில் காரைத் திருப்பிக் கொண்டு வரும்படி பாரதிராஜா சொன்னார். இப்போது பேட்மிட்டன் ஆடிக்கொண்டு இருந்த பையனையே பார்த்தார். அந்தப் பையன் யாருன்னு கேட்டார்.

அது முத்துராமனின் மகன் என்றேன். உடனே அந்தப் பையனை அழைத்துப் பேசுங்கள் என்றார். அவனிடம் நான் பேசிக் கொண்டு இருந்தேன். பாரதிராஜா அந்தப் பையனையே பார்த்துக் கொண்டு இருந்தார். முத்துராமன் எங்கே என்று கேட்டதற்கு படம் பார்க்க சென்றதாக அந்தப் பையன் கூறினான். அன்று இரவு முத்துராமனைப் போனில் தொடர்பு கொண்டு நேரில் சந்தித்தார். உங்க பையன் தான் என்னோட அலைகள் ஓய்வதில்லை படத்துக்குக் கதாநாயகன் என்றார்.

முத்துராமன் அடைந்த மகிழ்ச்சிக்கு அளவே இல்லை. அதன்பிறகு படப்பிடிப்புக்கு கிளம்பினோம். அந்தப் படத்தின் முதல் நாள் படப்பிடிப்பின்போது தான் அந்தப் பையனோட பேரு கார்த்திக்னு மாற்றப்பட்டது. அந்தப்படத்தின் தெலுங்கு பதிப்பிலும் கார்த்திக்கே நடித்தார். படம் வெளியானதும் கார்த்திக், ராதா ஜோடிக்கு மிகப்பெரிய வரவேற்பு கிடைத்தது.

மேற்கண்ட தகவலை பிரபல சினிமா இயக்குனரும், யூடியூபருமான சித்ரா லட்சுமணன் தெரிவித்துள்ளார்.

பொதுவாகவே எல்லாப் படங்களுக்கும் தணிக்கை உண்டு. அது பாடல்களுக்கும் உண்டு. அப்படி தணிக்கையில் சிக்காமல் வரிகளை மாற்றியதால் தப்பித்த பாடல் தான் இது. பார்ப்போமா…

1965ல் வெளியான படம் எங்க வீட்டுப் பிள்ளை. மாபெரும் வெற்றி பெற்ற படம். பட்டி தொட்டி எங்கும் பட்டையைக் கிளப்பியது. மறைந்த கேப்டன் விஜயகாந்த் கூட இந்தப் படத்தை 100 தடவைக்கும் மேலாகப் பார்த்துள்ளார். அந்தப் படத்தில் ஒரு சூப்பர்ஹிட் பாடல் ஒன்று உண்டு.

இதையும் படிங்க… கலைஞர் வரிகளை பாட மறுத்த கே.பி.சுந்தராம்பாள்!… அவருக்காக தனது கொள்கையையே மாற்றிய கருணாநிதி…

நான் ஆணையிட்டால் என்று தொடங்கும் இந்தப் பாடலை எழுதியவர் கவிஞர் வாலி. டிஎம்.சௌந்தரராஜன் பாடியுள்ளார். அந்தப் பாடலில் முதலில் நான் அரசனென்றால், என் ஆட்சியென்றால் இங்கு ஏழைகள் வேதனைப்பட மாட்டார். இந்தக் காக்கைகள் கூட்டத்தை ஒழிப்பேன். ஒரு தலைவன் உண்டு. அவன் கொள்கை உண்டு என்று எல்லாம் எழுதப்பட்டதாம்.

அதன்பிறகு சென்சார் போர்டில் சிக்கி விடக்கூடாது என்பதற்காக நான் ஆணையிட்டால், அது நடந்து விட்டால் என்று மாற்றப்பட்டது. மேலும் காக்கைகள் கூட்டம் என்றால் அது அந்த சமயம் எதிர்க்கட்சியாக இருந்த காங்கிரஸைக் குறித்து விடும் என்பதால், இந்தக் கூட்டத்தின் ஆட்டத்தை ஒழிப்பேன் என்று மாற்றினார்களாம்.

இதையும் படிங்க… இப்ப கூட நான் ரெடிதான்… ஷகிலா கொடுத்த ஓபன் டாக்… அடக்கொடுமையே!…

ஒரு தலைவன் உண்டு என்றால் அது அப்போது கட்சி தலைவராக இருந்த அண்ணாவைக் குறிக்கும் என்பதால் ஒரு கடவுள் உண்டு என்று மாற்றினார்களாம். ஒரு கடவுள் உண்டு. அவன் கொள்கை உண்டு என்றும் மாற்றினார்களாம். அப்படித் தான் அந்தப் பாடல் வெளியாகி படத்தை சக்கை போடு போடச் செய்தது. இன்னும் எம்ஜிஆரின் கொள்கைப் பாடல் என்றாலே இதுதான் முதலாவதாக வந்து நிற்கிறது.

எம்ஜிஆர் பாடல் என்றாலே இந்தப் பாடல் ஒலிக்காமல் இருக்காது. இன்னும் கிராமங்களில் எம்ஜிஆர் பிறந்தநாள் விழா கொண்டாடினால் முதலாவதாக ஒலிபரப்பப்படும் பாடல் இதுவாகத் தான் இருக்கும்.