Author: sankaran v

பண்டை தமிழர் வாழ்வில் இருந்த மெல்ல மறைந்து போன கொலைச்சிந்து வடிவத்தை மீட்டெடுத்த பெருமை இசைஞானி இளையராஜாவையேச் சேரும். ஏற்கனவே இளையராஜாவினன் இசையில் மலையூர் மம்பட்டியான் படத்தில் வரும் காட்டுவழி போற பொண்ணே பாடல் இந்த வடிவத்தில் இருந்தது. இன்னொரு பாடல் உண்டு. இளையராஜாவைத் தவிர வேறு யாரும் இந்தப் பாட்டைப் பாடி இருந்தாலும் அந்தளவுக்கு யதார்த்தமான கிராமத்து நடை, ஒரு வெள்ளந்தியான மனிதனின் நிலை கிடைத்திடுமா என்பது சந்தேகம்.

அப்படி ஒரு பாடல் தான் வைரமுத்து எழுதியது. கரிமேடு கருவாயன் படம் 1986ல் விஜயகாந்த், நளினி நடிப்பில் வெளியானது. இளையராஜா இசை அமைத்துள்ளார். மதுரை அருகில் உள்ள கருவாயன் என்ற வீரமனிதனின் வரலாற்றைத் தழுவி எடுக்கப்பட்டது. 2வகையான கதையைச் சொல்றாங்க. ஒண்ணு அவர் சோழவந்தானில் வாழ்ந்தவர் என்பது. இன்னொன்னு பரவை முனியம்மாவின் கொலைச்சிந்து வடிவத்தில் ராமநாதபுரத்தில் இருந்து வந்தவர் என்ற கதை. இன்னொன்றும் சொல்றாங்க.

ஒரு கதை சுவாரசியமாக வர கொஞ்சம் கொஞ்சமாக இட்டுக்கட்டி பாடும்போது வரலாற்றில் சுவாரசியமான விஷயங்கள் சேர்க்கக் கொஞ்சம் மாற்றுவாங்க. ஆனால் கரிமேடு கருவாயன் வாழ்ந்தது உண்மை. அவர் தங்கச்சிக்காக வாழ்ந்து கொண்டு இருக்கிறார். ரொம்ப எளிமையான மனிதர். தங்கை வேலை பார்த்த இடத்தில் பண்ணையார் கற்பழிக்கிறார்.

அவரைக் கொல்றாரு கருவாயன். போலீஸ் அவரைத் தேடி சுட்டுக் கொல்றாங்க. கருவாயன் கையில் அரிவாள், துப்பாக்கி கிடையாது. கவன் வில் தான் உண்டு. இவருக்கு தென்னை மரம் ஏறும் வழக்கம் உண்டு. அங்கு போய் ஒளிந்து கொள்வார். போலீஸே பிடிக்க முடியாது. இந்தப் படத்தில் வரும் கொலைச்சிந்து வடிவ பாடல் இதுதான். அப்படி இட்டுக்கட்டி பாடிய இளையராஜா பாடல்தான் இது. கதை கேளு கதை கேளு கரிமேடு கருவாயன் கதை கேளுன்னு பாடுறாரு.

இந்தப் பாடலில் கட்டுக்கதை அல்ல. ஒட்டுக்கதை அல்ல. கண்டு கேட்டு வந்தேன் ஒருவாரு. வைகை நதிக்கரை ஓரத்துல அங்கு வாழ்ந்து ஜெயித்தவன் வரலாறுன்னு வரிகள் வருகிறது. அவனைப் போலீஸ் சுட்டுக் கொல்லுது. தங்கச்சியைப் போலீஸ் கற்பழிக்கிறான். அதென்ன வாழ்ந்த ஜெயித்தவன் வரலாறுன்னு கேட்கலாம். வாழ்ந்து தன் குடும்பத்தை அழிச்சவனை ஜெயிச்சவன் வரலாறுன்னு கவிஞர் அழகா சொல்லிருக்காரு. உண்மையிலே அவன் கள்ளன் இல்ல. மதுரை ஜில்லாவுக்கே அவன் செல்லப்பிள்ளை என்ற இடத்தில் யா யா யான்னு இளையராஜா ராகம் போட்டு இழுத்துப் பாடுவார்.

அது அவ்ளோ ரசனையாக இருக்கும். அதே போல அடுத்த வரிகளில் போலீஸ்காரனால எல்லாம் கருவாயனைப் பிடிக்க முடியாது. அவன் சாதாரண மனுஷன் இல்லேன்னு எள்ளி நகையாடுவது போல இருக்கும். பாடலில் கருவாயனின் தனித்திறமை, காதல் எல்லாவற்றையும் நயம்பட பாடியிருப்பார் இளையராஜா. பாடல் முழுக்க கொலைச்சிந்து வடிவில் அவ்வளவு அழகியலும், யதார்த்தமும் கலந்து இளையராஜாவும், வைரமுத்துவும் தந்து இருப்பார்கள். மேற்கண்ட தகவலை பிரபல திரை ஆய்வாளர் ஆலங்குடி வெள்ளைச்சாமி தெரிவித்துள்ளார்.

புரட்சித்தலைவர் எம்ஜிஆர் தமிழ்சினிமா உலகில் தனக்கென ஒரு இடத்தை உருவாக்கிக் கொண்டதற்குப் பின்னால் பல திரைப்படங்களைத் தயாரித்து இருக்கிறார். ஒரு சில படங்களை இயக்கி இருக்கிறார். என்றாலும், தயாரிப்பாளர் என்று அவரது பெயர் முதல் முதலாக இடம்பெற்ற படம்னா நாம் என்ற படம்தான்.

எம்ஜிஆர், கலைஞர் மு.கருணாநிதி, இயக்குனர் காசிலிங்கம், பத்திரிகையாளர் ராஜாராம் நால்வரும் சேர்ந்து உருவாக்கியதுதான் மேகலா பிக்சர்ஸ் என்ற நிறுவனம். இது ஜூபிடர் பிக்சர்ஸோடு சேர்ந்து இணைந்து உருவாக்கிய திரைப்படம் தான் நாம். இந்தப் படத்தின் துவக்க விழா நெப்டியூன் ஸ்டூடியோவில் நடைபெற்ற போது தான் அந்தப் படத்திலே தயாரிப்பாளராக இணைந்தது பற்றி உணர்ச்சிகரமாக உரையாற்றினார் எம்ஜிஆர்.

ஜூபிடர் பிக்சர்ஸ் நிறுவனம் தான் என்னை கதாநாயகனாக்கிய நிறுவனம். அதைத் தொடர்ந்து மர்மயோகி என்ற படத்தில் எனக்கு நடிக்க வாய்ப்பு கொடுத்தார்கள். நடிக்க வாய்ப்பு கொடுத்தது மட்டும் இல்லாம அந்தப் படத்தில் ஊதியத்தையும் எனக்குக் கூடுதலாகக் கொடுத்தார்கள் என்பதையும் நான் சொல்லியே ஆக வேண்டும். இன்றைக்கு தமிழ் சினிமாவிலே எனக்கு வாய்ப்புகள் தொடர்ந்து வந்து கொண்டு இருக்கின்றன. ஓரளவுக்கு செல்வாக்கு உள்ள நடிகனா இருக்கேன்னா அதுக்கு முக்கிய காரணம் ஜூபிடர் பிக்சர்ஸ் முதலாளிகளான முகைதீனும், சோமசுந்தரமும்தான்.

நான் உங்களுக்கு ரொம்பவே நன்றி கடன் பட்டுருக்கேன். என்னைக் கதாநாயகனாக்கியதோடு மட்டும் நிற்காமல், ஜூபிடர் பிக்சர்ஸ் நிறுவனத்திலே மாதச்சம்பளத்திற்குப் பணியாற்றிக் கொண்டு இருந்த என்னை இந்தக் கூட்டுத் தயாரிப்பிலே முதலாளியாகவும் அவர்கள் ஆக்கி இருக்கிறார்கள். முதலாளி, தொழிலாளின்னு எல்லாம் வித்தியாசம் பார்க்காம நடிகனும், தயாரிப்பாளர் ஆக வேண்டும் என்று நினைச்சாங்களே. அந்த பெருந்தன்மையை எப்படி பாராட்டுவது என்றே தெரியவில்லை என்று அந்த விழாவிலே உணர்ச்சி பொங்க பேசி இருக்கிறார் புரட்சித்தலைவர் எம்ஜிஆர்.

தமிழ்த்திரை உலகில் ‘கருப்பு எம்ஜிஆர்’ என்று எல்லோராலும் போற்றப்பட்டவர் விஜயகாந்த். இன்று அவர் இந்த மண்ணை விட்டு மறைந்தாலும் அவரது நினைவுகள் என்றும் அழிவதில்லை. அந்த அளவு ரசிகர்களின் மனதில் நீங்கா இடம் பெற்றுள்ளன. 1990ல் அவருக்கு திருமணம் நடந்தது. பிரேமலதாவை மணந்து கொண்டார். இவர்களுக்கு விஜய பிரபாகரன், சண்முகப்பாண்டியன் என இரு மகன்கள் உள்ளனர்.

மதுரையில் இருந்து சென்னை வந்த விஜயகாந்த் திரையுலகில் படிப்படியாக முன்னேறினார். அப்போது ஒரு பிரபல நடிகையுடன் காதல் கிசு கிசு வந்தது. இதற்கிடையில் பிரேமலதாவை பெண் பார்க்கப் போய் அவர்களுக்குள் பிடித்துப் போய் கல்யாணம் நடைபெற்றது. கலைஞர் கருணாநிதி தலைமையில் நடைபெற்ற இந்த திருமணத்தில் ராமராஜன், நளினி கலந்து கொண்டுள்ளனர். இந்தப் போட்டோ தற்போது வைரலாகி வருகிறது.

திருமணத்திற்கு முன்பு விஜயகாந்துக்கு ராதிகா உடன் காதல் இருந்ததாம். அது தோல்வியில் முடிந்ததாகவும் சொல்லப்படுகிறது. விஜயகாந்தின் உழவன் மகன் படத்தைப் பார்த்து விட்டு தொடர்ந்து விஜயகாந்த் ரசிகையாகி விட்டாராம் பிரேமலதா. திருமணத்திற்கு பிறகு விஜயகாந்துக்கு வரும் ரசிகைகளின் கடிதங்களை பிரேமலதா தான் படிப்பாராம்.

விஜயகாந்த் கலைஞரின்பால் ஈர்க்கப்பட்டவர். ராமராஜன் எம்ஜிஆரின் தீவிர ரசிகர். அவரது கட்சித் தொண்டரும்கூட. இப்படி இருவரும் வேறு வேறு கொள்கையில் இருந்தவர்கள். அப்படி இருக்க எப்படி விஜயகாந்த் கல்யாணத்தில் ராமராஜனும், நளினியும் வந்தார்கள் என்றும் பார்க்கப்படுகிறது. அப்போது விஜயகாந்த் புகழின் உச்சியில் இருந்த நேரம் ராமராஜன் கொஞ்சம் கொஞ்சமாக திரையுலகில் முன்னேறி வந்தார் என்பதும் குறிப்பிடத்தக்கது.