Category: throwback

தமிழ்சினிமா உலகில் இயக்குனர் இமயம்னு எல்லோராலும் அன்போடு அழைக்கப்படுபவர் பாரதிராஜா. இவரது படங்கள் எல்லாமே கிராமிய மணம் வீசுபவை. பாடல்களும், காட்சி அமைப்புகளும், கதாபாத்திரங்களும், கதையும், இடங்களும் உயிரோட்டமாக இருக்கும். வசனம் ஒவ்வொன்றும் மெய்சிலிர்க்க வைக்கும் ரகம். இவ்ளோ ரசனை உள்ள இவருக்கு அது மட்டும் பிடிக்காதாம். அது என்னவா இருக்கும்? வாங்க இந்த பிரபலம் என்ன சொல்றாருன்னு பார்ப்போம். 

பாரதிராஜாகிட்ட இருந்து வர்ற எல்லா டைரக்டரோட படங்களிலும் காமெடி அதிகமா இருக்கும். ஆனா பாரதிராஜா படங்கள்ல காமெடி அதிகமா இருக்காது. எதனால பாரதிராஜா படங்களில் காமெடிக்கு முக்கியத்துவம் இல்லை என்ற கேள்வியை ரசிகர் ஒருவர் கேட்கிறார். அதற்கு பிரபல தயாரிப்பாளர் சித்ரா லட்சுமணன் இப்படி பதில் தெரிவித்துள்ளார். 

பாரதிராஜாவின் பல படங்கள்ல நகைச்சுவை காட்சிகளை எல்லாம் படமாக்கி விட்டு அவற்றை நீக்கிய சம்பவங்கள் எல்லாம் நடந்துருக்கு. உதாரணத்துக்கு சொல்லணும்னா கடலோர கவிதைகள் படத்துல நானும், செந்திலும் நடித்த நகைச்சுவை காட்சிகள் ஏறக்குறைய 2000 அடிகள் படமாக்கப்பட்டன. எல்லாத்தையும் கடைசி நேரத்துல அந்தப் படத்துல இருந்து நீக்கி விட்டார் டைரக்டர். படத்தோட நீளத்தைக் குறைக்கணும்னா முதல்ல நகைச்சுவை காட்சிகளைத்தான் வெட்டுவார் பாரதிராஜா. மேற்கண்ட தகவலை பிரபல தயாரிப்பாளர் சித்ரா லட்சுமணன் தெரிவித்துள்ளார்.

1985ல் வெளியானது ஒரு புரட்சிகரமான படம். அது கமல் நடித்த சத்யா. இந்தப் படம் வந்த புதிதில் இளைஞர்களிடையே தப்பு யாராவது செஞ்சா தட்டிக் கேட்கணும்கற ஒரு உத்வேகம் பிறந்தது. சமூக ஆர்வலர்னா யாருன்னே அப்போ தான் தெரிஞ்சது. அப்பேர்ப்பட்ட படம் எப்படி உருவானது? இந்தப் பட இயக்குனர் சுரேஷ்கிருஷ்ணா இதுகுறித்து என்ன சொல்றாருன்னு பாருங்க.

சத்யா எனக்கு அறிமுக திரைப்படம். நாயகன் கிளாசிக் ஆவதற்கு சற்று முன்பு அறிமுகமானது. நாயகன் சிறந்த கிளாசிக் படம். ரசிகர்கள் மத்தியில் பெரும் வெற்றியைப் பெற்றது. தேசிய விருதையும் பெற்றது. காட்சிகளை உருவாக்கும் கூறுகளாக சினிமா பாணியில் அது படமாக்கப்பட்ட விதம், கலைப்படைப்பகள், உயிரினங்கள், ஒளிப்பதிவு, நடிப்பு, வசன உச்சரிப்பு மற்றும் எடிட்டிங் ஆகியவை கிட்டத்தட்ட ஒரு பயோகிராபி போலவும், மாடர்னாகவும், மிகவும் மாஸான படமாகவும் இருந்தது.

இதனால் இந்தப் படம் குறித்து விவாதங்கள் தேசிய அளவில் போனது. தமிழ்சினிமாவில் பேசப்படும் ஒரு மிகப்பெரிய படமானது. மீண்டும் வந்தது ஒரு கமர்ஷியல் படம். ஹீரோவின் ரோல் அதற்கேற்ப அமைந்தது. கதையின் போக்கு, பின்னணி, கதைக்களம் இதுவரை கண்டிராத ஒன்று. திருப்தியாக இருந்தது. பாலசந்தர் ஒரு போதும் நாயகர்களை, நடிகர்களை விரும்பியது இல்லை. நான் படித்த காலத்தில் இருந்தே திரைப்படங்களை விரும்பி இருக்கிறேன்.

முதலில் சத்யா கதைப்படி காம்போ அமைந்த விதத்திலும் அது ஒரு இந்திப்படம். தெருக்களில் காணப்படும் டிரெண்ட் ஹீரோ. ரயில்வே பாலத்தில் உள்ள வண்ணமயமான பொருள்கள், கேமரா ஆங்கிள் என எல்லாமே சூப்பர். சுற்றுப்புறங்களில் இருந்து எடுக்கப்பட்ட இசைக்கு ஒலிப்பதிவாளரின் பங்கு அற்புதமானது. எனவே, தியேட்டர் ஒலியைக் கலக்கும்போது உருவாக்கப்படும் இயற்கையான ஒலிகள் மாஸ் காட்டின என்கிறார் சுரேஷ் கிருஷ்ணா. 

பிரபல கவிஞர் வாலி எழுத்தாளர் மாருதிராவுடன் சேர்ந்து இயக்கிய திரைப்படம் தான் வடமாலை. அந்தப் படத்தை தர்மராஜன் தயாரித்தார். இவர் யாருன்னு பார்ப்போமா… எம்ஜிஆர் முதல்வரான பிறகு அவருடன் ஒரு திரைப்படத்தில் நடிக்கலாம் அப்படிங்கற எண்ணம் அவருக்கு இருந்தது. அப்போது அந்தப் படத்தை தயாரிப்பதாக இருந்தது தர்மராஜன்தான். கே.சங்கருடைய இயக்கத்தில்தான் அந்தப் படம் உருவாக இருந்தது. அந்தப் படத்துக்கு கதை வசனம் எழுதியவர் வாலி.

ஒரு சில காரணங்களால அந்தப் படத்தின் படப்பிடிப்பை எம்ஜிஆரால தொடர முடியல. அப்படிப்பட்ட நிலையில்தான் அவருடைய தயாரிப்பில் வடமாலை என்ற திரைப்படத்தை இயக்கினார் வாலி. இது ஒரு சில விமர்சகருடைய பாராட்டைப் பெற்றது. தமிழக அரசும் அந்தப் படத்தைப் பாராட்டி விருதும் வழங்கியது.

ஆனாலும் அந்தப் படம் கமர்ஷியலாக வெற்றிப்படமாக அமைந்ததா என்றால் இல்லை. அந்தப் படத்தின் வசூல் சரியாக அமையவில்லை என்பதிலும் அந்தப் படத்தினால் தர்மராஜூக்கு நட்டம் ஏற்பட்டது அப்படிங்கறதும் எனக்கு வருத்தம் தான். என்றாலும் அந்தப் படம் உருவாகும் போது நடந்த சம்பவங்கள் என் மனதுக்கு மிகுந்த மகிழ்ச்சியைத் தந்தது என்று ஒரு பத்திரிகைப் பேட்டியில் பதிவு செய்துள்ளார் கவிஞர் வாலி.

அந்தப் படத்தில் மிகுந்த மகிழ்ச்சியைத் தந்த விஷயங்களில் குறிப்பிட்டு சொல்லணும்னா அந்தப் படத்தின் எடிட்டிங். அந்தப் பொறுப்பை எடுத்து இருந்தவர் ஒரு மாபெரும் இயக்குனர். எம்ஜிஆர், சிவாஜி நடித்த பல வெற்றிப்படங்களை இயக்கியவர். சிங்களத்தில் கூட ஒரு படத்தை இயக்கி இருக்கிறார்.

அப்படிப்பட்ட மாபெரும் இயக்குனரான கே.சங்கர் உன் படத்துக்கு நான்தான் எடிட் பண்ணுவேன்னு சொல்லி அந்தப் படத்தை எடிட் பண்ணுவதற்கு தானாக முன்வந்தார். ஒரு பாடலாசிரியராக பல படங்கள்ல நான் பணியாற்றி இருக்கிறேன். என்றாலும் நான் டைரக்டராகவும் அவர் எடிட்டராகவும் பணியாற்றிய அந்த அனுபவத்தை என்னால் என்றும் மறக்க முடியாது என்றும் தெரிவித்துள்ளார் வாலி. 

கமல்ஹாசன், சுமித்ரா, ஷோபா ஆகியோர் நடித்த நிழல் நிஜமாகிறது படத்துல கமலுக்கு இணையான ஒரு கதாபாத்திரத்தில் நடித்து இருந்தார் அனுமந்து என்ற ஒரு நடிகர். இயக்குனர் கே.பாலசந்தர் இயக்கத்தில் அப்படி ஒரு கதாபாத்திரத்தில் அனுமந்து நடித்தார் என்றால் அதுக்கு முக்கியமான காரணம் கவிஞர் வாலி. அந்தக் காலத்தில் கவிஞர் வாலி சம்பூர்ண ராமாயணம் என்ற பெயரில் ஒரு நாடகம் நடித்துக் கொண்டு இருந்தார்.

அந்த நாடகத்தில் அனுமந்து முக்கியமான ஒரு கதாபாத்திரத்தில் நடித்துக் கொண்டு இருந்தார். அந்த நாடகத்தைப் பார்க்க வந்த பாலசந்தர் அந்த நாடகத்தின் கதை அமைப்பில் ஈர்க்கப்பட்டு அந்த நாடகக் கதையைத் திரைப்படமாக ஆக்குகின்ற உரிமையை வாலியிடம் இருந்து வாங்கினார். ஒரு சில காரணங்களால அந்தக் கதையை பாலசந்தரால படமாக்க முடியலன்னாலும் அந்த நாடகத்தில் நடித்த இரு முக்கியமான கலைஞர்களுக்கு தன்னோட படத்தில் நடிக்க வாய்ப்பளித்தார்.

நிழல் நிஜமாகிறது படத்தில் அனுமந்துக்கு வாய்ப்பு கொடுத்தது போல ராஜப்பா என்ற கலைஞருக்கு தன்னோட நினைத்தாலே இனிக்கும் படத்தில் மிக முக்கியமான ஒரு கதாபாத்திரத்தை வழங்கி இருந்தார் பாலசந்தர். என்னுடைய நாடகம் படமாகவில்லையே என்ற வருத்தம் ஒரு பக்கம் இருந்தாலும் அந்த நாடகத்தில் நடித்த இரு கலைஞர்கள் அவருடைய படத்தில் நடிக்கின்ற வாய்ப்பினைப் பெற்றார்களே அது எனக்கு மிகப்பெரிய மகிழ்ச்சியைத் தந்தது என்று ஒரு பத்திரிகைப் பேட்டியிலே பதிவு செய்துள்ளார் கவிஞர் வாலி.

1. வைதேகி காத்திருந்தாள் – 175 நாட்கள் (வெற்றி)

விஜயகாந்த, ரேவதி நடிப்பில் கடந்த 1984ம் ஆண்டு வெளியான படம் வைதேகி காத்திருந்தாள். ஆர்.சுந்தராஜன் இயக்கிய இந்த பட அடிப்படையில் இளையராஜா இசையமித்து வைத்திருந்த பாடல்களை கொண்டு உருவாக்கப்பட்டது. மிகப்பெரிய வெற்றி பெற்ற விஜயகாந்திற்கு முன்னணி நடிகருக்கான இடத்தை உறுதிபடுத்தியது. 

2. அம்மன் கோவில் கிழக்காலே – 175 நாட்கள் (வெற்றி)

கடந்த 1986ம் ஆண்டு வெளியான படம் அம்மன் கோவில் கிழக்காலே. விஜயகாந்த், ராதா, ராதாரவி உள்ளிட்ட பலர் நடித்திருந்த இப்படத்திற்கு இளையராஜா இசையமைத்திருந்தார்.இப்படத்தின் பாடல்கள் இன்றளவும் பிரபலம். மிகப்பெரிய வெற்றி பெற்ற இப்படம் அந்த காலகட்டத்திலேயே ஒரு கோடிக்கு மேல் வசூல் செய்தது.

3. காலையும் நீயே மாலையும் நீயே – 75 நாட்கள் (தோல்வி)

விஜயகாந்த், பிரபு இணைந்து நடித்திருந்த ஒரே படம் காலையும் நீயே மாலையும் நீயே.இவரகளுடன் ராதிகா, ரேகா, லட்சுமி உள்ளிட்ட பலர் நடித்திருந்த இப்படத்திற்கு தேவேந்திரன் இசையமைத்திருந்தார். மிகவும் எதிர்பார்ப்புடன் வந்த இப்படம் தோல்வி அடைந்தது.

4. தழுவாத கைகள் – 50 நாட்கள் (தோல்வி)

1986ம் ஆண்டு வெளியான இப்ப்படத்தில் விஜயகாந்த், அம்பிகா, அனுராதா உள்ளிட்ட ப்பலர் நடித்திருந்தனர். இளையராஜா இசையமைத்திருந்த இப்படம் தோல்வி படமாகவே அமைந்தது.

5. என்கிட்ட மோதாதே – 75 நாட்கள் ( தோல்வி)

ஆர்.சுந்தராஜன் தயாரித்து  இயக்கிய இந்த படத்தில் விஜயகாந்துடன் ஷோபனா, குஷ்பு, நிழல்கள் ரவி உள்ளிட்ட ப்பலர் நடித்திருந்தனர். மிகப்பெரிய எதிர்ப்பார்ப்பில் வந்த இப்படம் சுமாரான வெற்றியையே பெற்றது.

6. என் ஆசை மச்சான் – 100 நாட்கள் (வெற்றி)

விஜயகாந்த் நண்பப்ர் ராவுத்தர்  தயாரித்த இந்த படத்தில்  விஜயாந்துடன் முரளி, ரேவதி, ரஞ்சிதா உள்ளிட்ட பலர் நடித்திருந்தனர். தேவா இசையமைப்பில் ப்பாடல்கள் மிகப்ப்பெரிஅய் வரவேற்ப்பை பெற்றது. படமும் நல்ல வெற்றியை  பெற்றது.
 
7. காந்தி பிறந்த மண் – 50 நாட்கள் ( தோல்வி)

என் ஆசை மச்சான் படத்தின் வெற்றியை அடுத்து இணைந்த இக்கூட்டணியில் வெளியான இப்படம் எதிர்பார்த்த வெற்றியை பெறவில்லை. 

நடிகர் திலகம் சிவாஜிகணேசனுக்கு அந்தப் பட்டம் சாலப் பொருந்தும். அவரை ரசிக்காத ரசிகர்களும் இல்லை. கலைஞர்களும் இல்லை. தமிழ் சினிமாவின் சிம்ம சொப்பனமாக விளங்கிய சிவாஜி நடித்த கேரக்டர்கள் எல்லாமே அற்புதம்தான். அவரது நடிப்பில் அவருக்குப் பிடித்த சில கதாபாத்திரங்கள் உண்டு. அது என்னென்ன என்று அவர் வாயாலேயே சொல்கிறார். வாங்க பார்க்கலாம்.  

சிவாஜி நடித்த கதாபாத்திரங்கள்ல உங்கள் மனதைக் கவர்ந்த கதாபாத்திரம் எதுன்னு எந்த சினிமா ரசிகரைக் கேட்டாலும் குறைந்தது 60, 70 படங்களைப் பட்டியலிடுவர். அது ரசிகர்களோட மனநிலை. தான் நடித்த படங்களில் சிவாஜிக்குப் பிடித்த கதாபாத்திரங்கள் எதுவாக இருக்கும்? இதை அவரிடமே கேட்டார் பத்திரிகை நிருபர். நான் நடித்த படங்களில் எனக்குப் பிடித்த கதாபாத்திரம்னா நிறைய படங்களைச் சொல்ல வேண்டி இருக்கும்.

அதுல குறிப்பிட்டு ஒரு 4 பாத்திரங்களை மட்டும் சொல்ல விரும்புறேன். முதல்ல நான் குறிப்பிட்டு சொல்ல விரும்புவது கப்பலோட்டிய தமிழன் படத்தில் நான் ஏற்றிருந்த வஉசி கதாபாத்திரம். அது ஒரு ரியல் லைஃப் கேரக்டர். அதை நான் உள்வாங்கி நடிக்க வேண்டி இருந்தது. வஉசி மகன் சுப்பிரமணியன் பார்த்துவிட்டு திரையில எங்க அப்பாவை அப்படியே நேரில பார்த்தது போல இருந்ததுன்னு சொன்னபோது எனக்கு ஏற்பட்ட திருப்திக்கு அளவே இல்லை என்று சொல்லலாம்.

அதுக்கு அப்புறம் நான் குறிப்பிட்டு சொல்ல விரும்புற கதாபாத்திரம்னா அது சம்பூர்ண ராமாயணத்தில் நான் ஏற்றிருந்த பரதன் கதாபாத்திரம். மூதறிஞர் ராஜாஜி அந்தப் படத்தைப் பார்த்துவிட்டு என்னைப் பாராட்டியபோது, என் ஜென்மமே சாபல்யம் அடைந்ததைப் போல நான் உணர்ந்தேன். அதுக்கு அடுத்து சொல்லணும்னா நீங்கள் எல்லோரும் இன்று வரை பாராட்டிக் கொண்டு இருக்கின்ற அப்பர் கதாபாத்திரம்.

அதுக்கு அப்புறம் நான் குறிப்பிட்டு சொல்ல விரும்புவது இன்னொரு முக்கியமான கதாபாத்திரம். அது பாசமலர் படத்தில் நான் ஏற்றிருந்த அந்த அண்ணன் கதாபாத்திரம் என்று ஒரு பத்திரிகை பேட்டியிலே பதிவு செய்து இருக்கிறார் சிவாஜி.  

சூப்பர்ஸ்டார் ரஜினிகாந்தைப் பொருத்தவரைக்கும் அவர் எந்த மேடையில் கலந்து கொண்டாலும் அந்த விழா மேடையே கலகலக்கும். அந்தளவு பேச்சாற்றல் கொண்டவர் ரஜினி. அதனால்தான் அவர் வந்து நம்மோட விழாக்களில் எல்லாம் கலந்து கொள்ள மாட்டாரா என்ற ஏக்கம் பலருக்கும் இருக்கு. மிக நெருக்கமான நண்பர்களாக இருந்தாலும் கூட அவங்க எல்லாரது விழாக்களிலும் ரஜினிகாந்த் கலந்து கொள்ளவில்லைன்னா அதுக்கு காரணம் இருக்கு. அதுபற்றி பத்திரிகை பேட்டி ஒன்றில் பதில் சொல்லி இருக்கிறார். என்னன்னு பாருங்க. 

நான் அடுத்த மாசம் ஒரு விழாவில் கலந்து கொள்ள தேதி கொடுத்து இருக்கேன்னா, இன்னைக்கே இருந்தே அதைப் பற்றி தினமும் ஒருமுறையாவது சிந்திக்க ஆரம்பித்து விடுவேன். அந்த விழாவில் யார் யாரெல்லாம் கலந்து கொள்ள இருக்காங்க. அவங்ககிட்ட நாம என்னென்னவெல்லாம் பேசலாம்? இப்படி என்னுடைய எண்ண ஓட்டம் போய்க்கிட்டே இருக்கும்.

இன்னொன்னு அதுவே என் மனசுக்குள்ள ஒரு பெரிய பொறுப்பா மாறிடும். அதன் காரணமாகவே நான் பல விழாக்களில் கலந்து கொள்வதைத் தவிர்க்கிறேன். நிகழ்ச்சின்னா நேரா போய் அப்படியே கலந்துக்குவேன்னு பலர் சொல்வாங்க. ஆனா என்னால அப்படி எல்லாம் முடியாது.

எந்த சின்ன நிகழ்ச்சியாக இருந்தாலும் என்னைத் தயார் பண்ணிக்கிட்டுத் தான் அந்த நிகழ்ச்சிக்குப் போவேன். மத்தபடி மனசுக்குள்ள ஒரு கமிட்மெண்ட் வந்துட்டா போதும். தடதடன்னு அந்த விழாவில பேசிட்டு வந்துடுவேன் என்று அந்தப் பத்திரிகைப் பேட்டியில் பதிவு செய்துள்ளார் சூப்பர்ஸ்டார் ரஜினி.

கவிஞர் வாலி தமிழ்சினிமாவிலே பாட்டெழுத வேண்டும் என்று முயற்சி செய்து கொண்டு இருந்த காலகட்டத்திலே அவரை ஒரு பாடலாசிரியராக ஆக்கி விட வேண்டும் என்று முழு மூச்சாகப் பாடுபட்டவர் நடிகர் வி.கோபாலகிருஷ்ணன். அவர் கதாநாயகனாக நடித்த ஒரு திரைப்படம் தான் முக்தா சீனிவாசன் இயக்கத்தில் உருவான தாமரைக்குளம் என்ற படம். அந்தப் படத்தின் படப்பிடிப்புக்கு வி.கோபாலகிருஷ்ணனுடன் வாலி சென்றபோது, அந்தப் படத்தில் சிறிய வேடத்தில் நடித்துக் கொண்டு இருந்த ஒரு நடிகரை அவர் சந்திக்க நேர்ந்தது.

மிஸ்டர் வாலி. என் ஊர் தாராபுரம். என் பேரு குண்டுராவ் என்று தன்னை அறிமுகம் செய்து கொண்டார் அந்த நடிகர். அது மட்டுமல்லாமல் வாலிகிட்ட தன்னோட பிரச்சனைகளைப் பற்றி எல்லாம் பேசத் தொடங்கினார். நான் ரெயில்வே டிப்பார்ட்மெண்ட்ல வேலை செய்றேன். கை நிறைய சம்பளம். ஆனாலும் என்னோட மனசெல்லாம் பார்த்தீங்கன்னா சினிமா மேல தான் இருக்கு. இன்னும் சரியா சொல்லணும்னா எனக்கு சினிமா மேல அப்படி ஒரு பைத்தியம்.

இப்ப சென்னையில பல நாடகங்கள்ல நான் நடிச்சிட்டு இருக்கேன். அதைப் பார்த்துட்டுத்தான் இந்த தாமரைக்குளம் படத்தில் நடிக்கிறதுக்கு என்னைக் கூப்பிட்டாங்க. இந்தப் படத்துல நடிக்கிறதுக்கு எனக்கு 90 ரூபாய் சம்பளம். சம்பளத்தொகையைக் கேட்ட உடனே எனக்கு ஆச்சரியமாப் போயிடுச்சு. இனிமே சினிமாதான் எனக்கு வாழ்க்கை அப்படின்னு முடிவு செஞ்சி ரெயில்வே வேலையை நான் ராஜினாமா பண்ணிட்டேன் என்று வாலிகிட்ட அந்த நடிகர் சொன்னபோது அவருக்கு தூக்கி வாரிப்போட்டது. ரெயில்வேல வேலை கிடைக்குறது எல்லாம் அவ்ளோ சுலபமா?

ரெயில்வேல வேலை பார்த்துக்கிட்டே நீ சினிமாவில நடிக்க முயற்சி செய்யக்கூடாதா? இப்படி பண்ணிட்டீங்களேன்னு வாலி அந்த நடிகரிடம் ஆதங்கத்தைத் தெரிவித்தார். நிச்சயமா, இந்த சினிமா இன்டஸ்ட்ரில நான் மிகப்பெரிய ஸ்டார் ஆவேன்கற நம்பிக்கை எனக்கு இருக்கு வாலி. அப்ப எனக்காக இந்த ரெயில் காத்து நிற்கும்னு உறுதியாக சொன்னார் அந்த நடிகர்.

அவரது அசாதாரணமான அந்த நம்பிக்கையை ஆச்சரியத்தோடு பார்த்தார் வாலி. ஆனா ஒரு காலகட்டத்துல அந்த நடிகரோட நம்பிக்கை நிஜமானதுங்கறதுதான் உண்மை. வாலிக்கிட்ட தன்னம்பிக்கையோடு பேசிய அந்த குண்டுராவ் வேற யாருமில்லை. தமிழ்சினிமா உலகை பல ஆண்டுகாலம் தன்னோட கைக்குள் வைத்து இருந்த நாகேஷ் தான் அந்த குண்டுராவ். 

ஆறிலிருந்து அறுபது வரை படத்தில் அப்படி ஒரு தேன் சொட்டும் பாடல் என்றால் அது இதுதான். எஸ்பி.பி.யும், ஜானகியும் இணைந்து பாடி அசத்தி இருப்பார்கள். சூப்பர்ஸ்டார் ரஜினிகாந்தின் நடிப்புக்கு இது ஒரு மைல் கல் படம். இந்தப் பாடல் எப்படி உருவானது இது குறித்து இசைஞானி இளையராஜா என்ன சொல்றாருன்னு வாங்க பார்க்கலாம். 

கண்மணியே காதல் என்பது பாடலைப் பாட பாலுவுக்கு ரொம்ப கஷ்டமா இருந்தது. ஒரே தம்ல பாட வேண்டி இருந்தது. பாடுறது கஷ்டமா இருந்தது. ஒவ்வொரு சாங்குமே என்னைப் பொருத்தவரைக்கும் எக்ஸ்ப்ரிமெண்ட்தான். அப்போ 3 டிராக் ரெக்கார்டிங்ஸ்தான் இருந்தது. பாடுறதுக்கு கஷ்டமா இருந்ததால 3 ட்ராக்ல ஒரு ட்ராக் முழுக்க ரெக்கார்ட் பண்ணிட்டு ஒரு டிராக்ல ஸ்பேஸ் விடச் சொல்லிட்டேன்;. பாடுறதுக்கு முடியாத இடத்துல எல்லாம் விட்டுரு. அப்புறம் கன்டினியு பண்ணலாம்னு சொல்லிட்டு ஒரு போர்ஷன மட்டும் பாட வச்சிட்டு, இன்னொரு ட்ராக்கை ரன் பண்ணி ரெண்டு சிங்கிளை நாங்க நெகடிவ்ல 35 எம்எம் எடுத்தோம்..   

அப்படி உருவானது தான் கண்மணியே பாடல் என்பது பாடல். இந்தப் பாடலை 20 வயதில் கேட்கும்போது இருந்த அதே ரசனை, 40 வயதானாலும், 60வயதானாலும் அப்படியே நெஞ்சுக்குள் நிறைந்து நிற்கிறது. இன்னும் சொல்லப்போனால் 80 வயது ஆகி அதன்பிறகும் கூட இந்த ரசனை அப்படியே தான் அந்த வயதிலும் நமக்கு மனதுக்குள் எங்கோ ஒரு மூலையில் ரீங்காரம் இட்டுக்கொண்டே இருக்கும் என்பதுதான் நிதர்சனம். அந்தளவு இளையராஜாவின் இசை நமக்குள் எந்த நோயாக இருந்தாலும் அதை ஆற்றிவிடும் வல்லமை படைத்தது என்றால் மிகையில்லை..