Tag: TVK

தமிழக வெற்றிக்கழகத்தின் முதல் மாநில மாநாடு வரும் அக்டோபர் 27ம் தேதி விக்கிரவாண்டி ‘வி’ சாலையில் நடைபெற உள்ளது. மாநாடு மாலை 4 மணி முதல் 10 மணி வரை நடைபெறுமாம். ஆனால் அரசு 9 மணிக்குள் முடித்துவிட வேண்டும் என்று கேட்டுக்கொண்டுள்ளதாம்.

மாநாட்டில் ஒரு மணி நேரம் விஜய் பேசப் போகிறாராம். அவருடன் 8 பேர் உரையாற்ற உள்ளார்களாம். முதலில் கட்சிக்கொடியை ஏற்றியதும் அதற்கான விளக்கத்தைப் பற்றிப் பேசுவார் என்றும், கொள்கைகள் பற்றியும் அடுத்தடுத்துப் பேச உள்ளதாகவும் தகவல்கள் தெரிவிக்கின்றன. மாநாட்டுக்கான பணிகள் தீவிரமாக நடந்து வருகிறது.

மாநாட்டுத் திடலைச் சுற்றி 650 அடி நீளம் 50 அடி உயரம் கொண்ட கோட்டை முகப்பு செட் அமைக்கப்பட்டு வருகிறது. இரட்டை யானை படமும் வருகிறது. 1400 கொடிக்கம்பங்கள், 20 ஆயிரம் ஒளி விளக்குகள் என தடபுடலான ஏற்பாடுகள் நடக்கிறது.

பள்ளங்களை சமன் செய்தல், ரேம்ப் வாக்கிற்கான ஏற்பாடுகள் என பணிகள் முடுக்கிவிடப்பட்டுள்ளன. குடிநீர் விநியோகம், மொபைல் டாய்லெட்டுகள் என பணிகள் விறுவிறுப்பாக நடந்து வருகிறது. 4 பார்க்கிங் வசதிகளும் நடந்து வருகிறது. மாநாட்டில் உள்ளே இருப்பவர்களுக்காக எல்இடி திரைகளும் அமைக்கப்பட்டு வருகிறது.

மாநாட்டுக்கான முன்னேற்பாட்டுப் பணிகள் தீவிரமாக நடந்து வருகிறது. மாநாட்டுக்கான அலுவலகமும் அங்கு அமைக்கப்பட்டுள்ளது. மாநாட்டு முகப்பில் வாசலின் உயரத்துக்கு விஜயின் படமும் வைக்கப்படும். முன்னேற்பாட்டுப் பணிகளைப் பார்த்தால் ரொம்ப பிரம்மாண்டமான மாநாடாக இருக்கும் என்றே தெரிகிறது.

மாநாட்டின்போது தான் விஜய் அரசியல் ரீதியான அவரது கொள்கைகள் மற்றும் நிலைப்பாடுகள் குறித்த எல்லா விஷயங்களையும் பேசுவார் என்பதால் இப்போதே அதற்கு எதிர்பார்ப்பு அதிகரித்துள்ளது. தீபாவளி நெருங்கும் நேரம் என்பதாலும், அந்த இடத்தில் போக்குவரத்து நெரிசல் இருக்கும் என்பதாலும் போலீசாரின் கட்டுப்பாடுகள் மிகத் தீவிரமாகவே இருக்கும் என்றும் தெரிகிறது.

தமிழக வெற்றிக்கழகம் என்ற பெயரில் கட்சி ஆரம்பித்த விஜய் சினிமாவில் மட்டுமல்லாமல் அரசியலிலும் மாஸ் காட்டியுள்ளார். முதல் மாநாட்டிலேயே அதுவும் அரசியலில் இது தான் இவருக்குக் கன்னிப்பேச்சு. ஆனால் மெய்சிலிர்க்க வைத்து விட்டார் என்றே சொல்ல வேண்டும். அப்படி என்ன சொன்னாருன்னு பார்க்கலாமா…

குழந்தையைப் போல உணர்கிறேன். பாம்பு தான் அரசியல். அதுக்கு நாம குழந்தை தான். ஆனா பாம்பா இருந்தா கூட எனக்குப் பயமில்லை. பாம்பைப் பிடித்து விளையாட ஆரம்பிச்சிருக்கேன்.

சீரியஸோடு கொஞ்சம் சரிப்பையும் கலந்து போறது தான் நம்ம ரூட்டு. எதுக்கு இந்த அவர்களே அவர்களே…. பிறப்பொக்கும் எல்லா உயிர்க்கும் என்று பேசிட்டு எதுக்குங்க இந்த அவர்களே…. இதுல யாரு மேல… யாரு கீழன்னுலாம் கிடையாது. எல்லாருக்கும் என்னோட உயிர் வணக்கங்கள்.

இந்த அரசியல்னாலே கோபமா கொந்தளிச்சா புரட்சிப் பண்ண வந்தவங்கன்னு ஒரு கான்செப்ட் இருந்தது. நமக்கு எதுக்குங்க அதெல்லாம். சொல்ல வந்ததை சுவீட்டா சொல்லிட்டுப் போயிடணும்.

சயின்ஸ் மட்டும் தான் மாறணுமா… மாற வேண்டியது அரசியலும் தான். ஆல்ரெடி இருக்குற அரசியல்வாதிகளைப் பற்றிப் பேசி டைம் வேஸ்ட் பண்ணப் போறதும் இல்லை. அதுக்காக மொத்தமா கண்ணை மூடிக்கிட்டு இருக்கப் போறதுமில்லை.

இப்ப என்ன வேலை? அதை எப்படி தீர்த்து வைக்கிறது? அரசியல்ல நம்பிக்கை தர்றது கொள்கைக் கோட்பாடுகள் தானே. அதை யாருக்கிட்ட இருந்து எடுத்து அப்ளை பண்ணப் போறோம் என்பது நம்ம சொல்ல வேண்டிய கடமை இல்லையா…

அரசியலில் விஜய் இதுவரை பேசியது இல்லையே… அவரால 10 வார்த்தையை சேர்ந்தாப்புல பேசவே திணறுவாருன்னு எல்லாம் சோஷியல் மீடியாவுல விமர்சனம் பண்ணினாங்க. ஆனால் முதல் மாநாட்டிலேயே அனைத்துக் கட்சியினரையும் வாயைப் பிளக்க வைத்து விட்டார்.

அப்போது விஜய் சொன்னது உண்மையிலேயே மாஸ் என்று தான் சொல்ல வேண்டும். துணிந்து பல கருத்துகளை சகட்டுமேனிக்குப் போகிற போக்கில் விளாசினார் விஜய். கொள்கைகளைப் பற்றிப் பேசியதும் இப்போ இதைக் கேட்குற போது மற்ற கட்சிக்காரங்களோட கதறல் இனி கேட்கும் என்றார்.

விஜய் அரசியலில் இறங்கியதும் அவரது முதல் மாநில மாநாட்டை அனைவரும் எதிர்பார்த்தனர். பூச்சாண்டி காட்டுற வேலை இல்லை. இது இறங்கி அடிக்கிறதுன்னு நிரூபித்துள்ளார் தளபதி விஜய். அரசியல்னு வந்துட்டா எடுத்த முடிவுல இருந்து பின்வாங்கப் போறதில்லை.

ஒரு முடிவோடத் தான் வந்துருக்கேன். அப்படின்னும் இந்த அவர்களே, இவர்களே எல்லாம் எதுக்கு? நான் பாம்பைக் கையில பிடிச்சிருக்குற குழந்தை மாதிரி. எனக்குப் பயம்னா என்னன்னு தெரியாது.

அதனால இப்போ நான் அந்த அரசியல்ங்கற பாம்பைக் கையில புடிச்சிட்டேன். இனி விடப்போறதில்லை என்கிற மாதிரி துணிச்சலுடன் பேசி அவரது லட்சக்கணக்கான தொண்டர்களை ஆர்ப்பரிக்க வைத்தார்.

அவரது பேச்சைக் கேட்டுப் பலரும் வியந்தனர். வலைப்பேச்சு அந்தனனோ இது சர்கார்; 2 மாதிரி இருக்கு. இப்படி பேசுவாருன்னு நினைச்சிக் கூட பார்க்கலை என்று வியந்துள்ளார். அவரது அரசியல் எதிரி யாருன்னு தெளிவாகச் சொல்லிவிட்டார். இனி தான் அவரை இனி தான் குறி வைப்பாங்கன்னு கூடவே பூச்சாண்டியும் காட்டி விட்டார்.

எல்லாம் சரி. அந்த வெற்றி வெற்றி என்ற கொள்கை முழக்கப்பாடல் படு மாஸாக இருந்ததே. அதுவும் ஒன்ஸ்மோர் எல்லாம் போட்டாங்களே. அதுக்கு இசை அமைப்பாளர் யார் என்று பலரது மனதிலும் கேள்வி எழுந்து இருக்கலாம். அதற்கு அந்த இசை அமைப்பாளரே அந்தப் பாடலுக்கு எப்படி கமிட் ஆனேன்னு பேட்டி கொடுத்துள்ளார். என்ன சொல்றாருன்னு பாருங்க.

‘த.வெ.க.வின் சித்தாந்த பாடலை இசை அமைக்க என்னை தேர்ந்தெடுத்தது ஏன்?’னு விஜய் சார்கிட்ட கேட்டேன். ‘உன்னால மட்டும் தான் முடியும்’னு சொன்னார்.

‘என்ன நம்புனதுக்கு நன்றி விஜய் சார். உங்க குரலை பதிவு செய்றது என் வாழ்க்கையோட மிகப்பெரிய கனவாக இருக்கும். உங்க அரசியல் முயற்சி வெற்றி அடைய வாழ்த்துக்கள்’ என்று தெருக்குரல் அறிவு நெகிழ்ச்சியுடன் பதிவை வெளியிட்டுள்ளார்.

தமிழக வெற்றிக்கழக கட்சியைத் தொடங்கி மாநாட்டை வெற்றிகரமாக நடத்தி முடித்தார் விஜய். இதற்குப் பல்வேறு பாராட்டுகளும், கண்டனங்களும் வந்தன. இதன்பிறகு விஜய் அடுத்தக்கட்ட நடவடிக்கையாக செயற்குழுவைக் கூட்டியுள்ளார். அதில் விஜய் கொண்டு வந்த அதிரடி தீர்மானங்கள் தான் இவை. என்னென்னன்னு பாருங்க.

26 தீர்மானங்கள்: திமுகவை கண்டித்து எதிர்ப்பும் விமர்சனமும் கொடுக்கப்பட்டுள்ளது. மாநாடு நடந்து முடிந்த பிறகு அடுத்தக்கட்ட நகர்வு பற்றி விவாதிக்க தமிழக வெற்றிக்கழகத்தின் செயற்குழு கூட்டம் நடந்தது. மின்கட்டணம் உயர்வைக் குறைக்க வேண்டும். அதற்கான முறையை மாற்றி அமைக்க வேண்டும்.

நீட் தேர்வை ரத்து செய்யக் கோரியும், மதுக்கடைகளைக் கால நிர்ணயம் செய்து மூட வலியுறுத்தியும் தீர்மானங்கள் நிறைவேற்றப்பட்டுள்ளன. சட்ட ஒழுங்கு சீர்கேட்டையும் மாநில அரசுக்கு எதிராக முன்வைத்துள்ளார். மாநாட்டில் நிறைவேற்ற முடியாத தீர்மானங்களை இந்த செயற்குழுவில் நிறைவேற்றப்பட்டுள்ளன.

சில மாநிலங்களில் மாநில அரசுகள் சாதிவாரி கணக்கெடுப்பு நடத்தும்போது, மத்திய அரசைக் காரணம் காட்டி சாதி வாரி கணக்கெடுப்பு நடத்தாமல் இருக்கும் மாநில அரசுக்கு எதிர்ப்பு தெரிவித்து தீர்மானம் நிறைவேற்றப்பட்டுள்ளது.

ஒரே நாடு ஒரே தேர்தலுக்கு எதிர்ப்பு தெரிவிக்கப்பட்டுள்ளது. பொதுவில் மத்திய, மாநில அரசுகளுக்கு எதிரான தீர்மானங்கள் நிறைவேற்றப்பட்டுள்ளன. கல்வியை மாநில பட்டியலுக்கு மாற்ற வேண்டும். ஈழத்தமிழர்கள் உரிமையைப் பாதுகாக்கும் தீர்மானம், இலங்கைக்கான இந்தியத் தூதராக தமிழரை நியமிக்க வேண்டும் உள்ளிட்ட தீர்மானங்களும் நிறைவேற்றப்பட்டுள்ளன. இந்தத் தீர்மானத்திலும் திமுக, பிஜேபி தான் அவர் தனது எதிரியாக சுட்டிக்காட்டியுள்ளார்.

விஜயை ட்ரோல் செய்து சமீபகாலமாக பல விமர்சனங்கள் வந்த வண்ணம் உள்ளன. நாம் தமிழர் கட்சித் தலைவர் சீமானும் கடுமையாகச் சாடியுள்ளார். இதை எல்லாம் கருத்தில் கொண்டு தான் இந்தத் தீர்மானங்கள் நிறைவேற்றப்பட்டுள்ளனவா என்றும் எண்ணத் தோன்றுகிறது.

இனி விஜய் எடுத்து வைக்கும் ஒவ்வொரு அடியும் கவனமாக இருக்க வேண்டும். அப்போது தான் வெற்றியின் பாதையை நோக்கி அவர் செல்ல முடியும் என்றும் அரசியல் நோக்கர்கள் கருத்து தெரிவித்து வருகின்றனர்.