Vijayakanth: நடிகரும், தேமுதிக தலைவருமான விஜயகாந்த் மறைந்துவிட்டாலும் மக்களின் மனதில் அவர் என்றும் மறையவில்லை. அவரை பற்றிய பல செய்திகள் தொடர்ந்து வந்துகொண்டேதான் இருக்கிறது. அவரை பற்றி பலரும் பேசிக்கொண்டேதான் இருக்கின்றனர். அவருடன் பழகியவர்கள், அவருடன் வேலை செய்தவர்கள். அவரை பற்றி தெரிந்தவர்கள் என பலரும் அவரை பற்றி ஊடகங்களில் பேசி வருகிறார்கள்.
பொதுவாக விஜயகாந்த் மிகவும் தைரியமானவர். எதையும் சந்திக்கும் துணிச்சல் கொண்டவர். எதற்கும், யாருக்காகவும் பயப்படாதவர் அதுதான் அவரின் பலமே. சினிமாவில் வாய்ப்பு தேடி அலைந்தபோது அவர் பட்ட அவமானங்கள் கொஞ்ச நஞ்சமல்ல. பல காரணங்களை காட்டி அவரை நிராகரித்துள்ளனர்.
இதையும் படிங்க: வறுமையில் வாடும் விஜயகாந்த் சகோதரர்கள்! ஊருக்கே உதவியவர் – அவர் தம்பிகளுக்கு இப்படி ஒரு நிலைமையா?
80களில் முன்னணி நடிகையாக இருந்த பலரும் விஜயகாந்துக்கெல்லாம் ஜோடியாக நடிக்க முடியாது என்றே கூறினார்கள். சில நடிகைகள் தயங்கினார்கள். படப்பிடிப்பில் நடிகைகளுக்காக காத்திருந்து அவமானப்பட்டு திரும்பியவர்தான் விஜயகாந்த். ஆனால், ஹிட் படங்களில் நடித்து தனக்கென ஒரு மார்க்கெட்டை உருவாக்கினார்.
சினிமா, அரசியல் என இரண்டிலும் முக்கிய இடத்தை பிடித்த விஜயகாந்த் கடந்த சில வருடங்களாகவே உடல்நலக்குறைவால் பாதிக்கப்பட்டு செயல்படாத நிலையில் இருந்து சமீபத்தில் இறந்தும்போனார். உடலளவில் பாதிக்கப்பட்டதை விட மனதளவில்தான் அவர் அதிகமாக பாதிக்கப்பட்டார் என அவருடன் நெருங்கி பழகியவர்கள் சொல்வார்கள்.
இதையும் படிங்க: கேப்டனுக்கு அப்புறம் ஒரே வருடத்தில் 13 படங்கள்! இவரெல்லாம் நம்ம லிஸ்ட்லயே இல்லையே – யார் அந்த நடிகர் தெரியுமா?
இப்ராஹிம் ராவுத்தரை பிரிந்ததே அவருக்கு பெரிய இழப்புதான். அதோடு, ராவுத்தரின் மரணமும் அவரை கலங்க செய்துவிட்டது. இந்நிலையில், ஊடகம் ஒன்றுக்கு பேட்டி கொடுத்த விஜயகாந்தின் இளைய மகன் சண்முக பாண்டியன் ‘அப்பாவுடன் பல வருடமாக பழகியவர்கள், அப்பாவால் வளர்ந்தவர்கள் எம்.எல்.ஏக்களாக இருக்கும்போது கட்சி தாவி அதிமுகவுக்கு போனார்கள். அதேபோல், சிலர் வேறு கட்சிகளுக்கும் போனார்கள்’ இதுதான் அப்பாவின் மனதை அதிகம் பாதித்தது.
அதை அவர் வெளியே காட்டிக்கொள்ளவில்லை என்றாலும் அவ்வப்போது நான் அதை அவரிடம் கவனித்திருக்கிறேன். அவர்கள் எல்லாம் அப்பாவுடன் இருந்திருந்தால் அவர் மிகவும் தைரியமாக இருந்திருப்பார்’ என அவர் பேசியிருந்தார்.
இதையும் படிங்க: விஜயகாந்த் மறைவுக்கு வடிவேலு ரியாக்ஷன் என்ன தெரியுமா? ஷாக் கொடுத்த நண்பர்
