ஒரு மொழியில் வெளியான ஒரு படத்தை மற்றொரு மொழியில் எடுப்பது என்பது பல வருடங்களாகவே நடைமுறையில் இருக்கும் ஒன்றுதான். 80களில் பல ஹிந்தி படங்களை தமிழில் எடுத்து அதில் ரஜினி, கமல் ஆகியோர் நிறைய படங்களில் நடித்திருக்கிறார்கள். ரஜினி நடித்த பில்லா படம் கூட ஹிந்தியில் அமிதாப்பச்சன் நடித்த படம்தான்.
அதேபோல் சில தெலுங்கு படங்கள் தமிழில் ரீமேக் ஆகியிருக்கிறது. அதேபோல் ஏராளமான தமிழ் திரைப்படங்கள் தெலுங்கில் ரீமேக் ஆகி வருகிறது.. அவ்வளவு ஏன்?.. விஜய் தற்போது நடித்துள்ள ஜனநாயகன் திரைப்படம் கூட தெலுங்கில் பாலகிருஷ்ணா நடித்து சூப்பர் ஹிட் நடித்த பகவந்த் கேசரி படத்தின் ரீமேக்தான்..
பாலைய படத்தை ரீமேக் செய்து விஜய் நடிப்பது ஒரு புறம் என்றால் அஜித் நடித்த ஒரு படத்தை தெலுங்கில் நடிக்க பாலையா சம்பவம் பற்றி பார்ப்போம்.
பாலையாவை வைத்து சில நேரடி தெலுங்கு திரைப்படங்களை இயக்கியவர் கே.எஸ்.ரவிக்குமார். அவரின் இயக்கத்தில் அஜித் நடித்து வெளியான திரைப்படம்தான் வரலாறு. இந்த படத்தில் அஜித் மூன்று வேடங்களில் நடித்திருப்பார்.. குறிப்பாக அதில் ஒரு வேடத்தில் பெண்மை போன்ற நளினம் கொண்ட ஒரு பரதநாட்டிய கலைஞராக நடித்திருப்பார்..
இந்த படத்தில் அஜித்குமாரின் நடிப்பை ரஜினி, அமீர்கான் போன்ற பெரிய நடிகர்களே பாராட்டியிருந்தார்கள். இந்நிலையில், சமீபத்தில் ஊடகம் ஒன்றில் பேசிய கே.எஸ்.ரவிக்குமார் ‘வரலாறு படத்தை தெலுங்கில் பாலையாவை வைத்து ரீமேக் பண்ண நினைத்தேன். அப்போ வரலாறு படத்தை பார்த்துட்டு ‘அஜித் போல என்னால் அந்த கதாபாத்திரத்தில் நடிக்க முடியாது.. நான் பண்ணா அந்த கதாபாத்திரத்திற்கு இருக்கும் மரியாதையே போயிடும். அஜித் அவ்வளவு சூப்பரான நடிச்சிருக்கார்.. அதை கெடுக்க வேண்டாம்’ என சொல்லிவிட்டார்’ என கூறியிருக்கிறார்.
