Vijayakanth: சினிமா உலகை பொறுத்தவரை ஒரு நடிகருக்கு சொல்லப்பட்ட கதையில் மற்றொரு நடிகர் நடிப்பது எனவும் மிகவும் சாதாரணமாக நிகழும். ஒரு இயக்குனர் ஒரு கதையை உருவாக்குவார். அந்த கதையை அவர் பல நடிகர்களிடம் சொல்வார். சிலருக்கு பிடிக்கும். சிலருக்கு கதை பிடிக்காது. அதுவும் அறிமுக இயக்குனர் எனில் அவரை நம்ப மாட்டார்கள்.
கதை நன்றாக இருக்கிறது என சில நடிகர் சொன்னாலும் சில வருடங்கள் காத்திருக்க சொல்வார்கள். சில நடிகர்கள் கதையை தனக்கு பிடித்தது போல மாற்ற சொல்வார்கள். இதையெல்லாம் மீறித்தான் ஒரு இயக்குனர் இங்கே உருவாகிறார். ரஜினிக்கு சொன்ன கதையில் கமலும், கமலுக்கு சொன்ன கதையில் பார்த்திபனும், அஜித்துக்கு சொல்லப்பட்ட கதையில் சூர்யாவும், சூர்யாவுக்கு சொல்லப்பட்ட கதையில் அருண்விஜயும் நடிப்பார்கள்.
இதையும் படிங்க: விஜயகாந்தின் பட வாய்ப்பை தட்டி பறிக்க நினைத்த நடிகர்!.. அது மட்டும் நடந்திருந்தா!…
இது பல வருடங்களாக நடப்பதுதான். பல நடிகர்கள் நல்ல கதைகளை மிஸ் செய்வார்கள். ஆட்டோகிராப் கதையை எழுதிய சேரன் விஜய், சூர்யா என பலரிடமும் அந்த கதையை சொன்னார். யாரும் நடிக்கமுன்வரவில்லை. எனவேதான், அவரே அப்படத்தில் நடித்தார். இப்படி சில இயக்குனர்களே நடிகராக மாறிவிடுவார்கள்.
சரவண சுப்பையா இயக்கத்தில் அஜித் நடித்து 2001ம் வருடம் வெளியான படம்தான் ‘சிட்டிசன்’. இந்த கதையை இயக்குனர் பலரிடம் சொல்லி இருக்கிறார். விஜயகாந்திடமும் இந்த கதையை அவர் சொல்லி இருக்கிறார். கதையை கேட்ட விஜயகாந்த் ‘கதையை நன்றாக சொல்கிறீர்கள். இதை அப்படியே எடுத்தாலே படம் நன்றாக வரும். இப்படத்தில் பல கெட்டப்புகள் இருக்கிறது. எனக்கு அதெல்லாம் செட் ஆகாது. ஏனெனில் என்னுடையது கருப்பு தோல். பார்ப்போம்’ என சொல்லி அனுப்பிவிட்டார்.
இதையும் படிங்க: கலைஞர் 100 விழாவை டீலில் விடும் நடிகர்கள்!.. முழிபிதுங்கும் திரையுலகம்!. இதெல்லாம் தேவையா பாஸ்!..
அதேபோல், இந்த கதையை கேட்ட கமல் ‘நன்றாக இருக்கிறது. ஆனால், நான் இப்போது ஹேராம் படத்தில் நடித்து வருகிறேன். இப்படம் முடிந்து நான் இதிலிருந்து வெளியே வரவே 2 வருடங்கள் ஆகிவிடும்’ என சொல்லிவிட்டார். அதன்பின்னர்தான் இந்த கதையை அஜித்திடம் சொன்னார் சரவண சுப்பையா. அஜித்துக்கு இந்த கதை பிடித்துப்போக இப்படம் டேக்ஆப் ஆனது.
ஆனால், இப்படம் எதிர்பார்த்த வெற்றியை பெறவில்லை. அஜித்தின் கெட்டப்புகள் கொஞ்சம் ஓவர் டோஸ் ஆகி சொதப்பிவிட்டது. இந்த கதையில் ஒரே கெட்டப்பில் விஜயகாந்த் நடித்திருந்தால் இப்படம் சூப்பர் ஹிட் அடித்திருக்கும் என்பதில் எந்த சந்தேகமும் இல்லை.
இதையும் படிங்க: உனக்கு 24 எனக்கு 44.. பிரேம்ஜியின் கல்யாணம் உண்மை தானாம்… பலருக்கு ஹார்ட் அட்டாக் கன்பார்ம்!..
