Category: home

ஜேசன் சஞ்சய் இயக்குநராக அறிமுகமாகும் ‘சிக்மா’ திரைப்படத்தின் இரண்டாவது பாடலான ‘அய்யய்யோ அம்மாடி’ நாளை ஆகஸ்ட் 12 வெளியாகும் என படக்குழு அதிகாரப்பூர்வமாக அறிவித்துள்ளது. 

நடிகர் சந்தீப் கிஷன் கதாநாயகனாக நடிக்கும் இப்படத்தில் ஃபரியா அப்துல்லா கதாநாயகியாக நடித்துள்ளார். மேலும், ராஜு சுந்தரம், சம்பத் ராஜ், சிவ் பண்டிட், அன்பு தாசன், யோக் ஜாபி, ஷீலா ராஜ்குமார் உள்ளிட்ட பலர் இப்படத்தில் நடித்துள்ளனர்.தமன் இசையமைத்துள்ள இப்படத்தின் முதல் பாடலான சிக்மா ஸ்டைல் கடந்த ஜூன் மாதம் வெளியாகி ரசிகர்கள் மத்தியில் நல்ல வரவேற்பை பெற்றது. 

‘சிக்மா’ திரைப்படம் முதலில் ஜூலை 31, 2026 அன்று உலகம் முழுவதும் திரையரங்குகளில் வெளியாகும் என அறிவிக்கப்பட்டிருந்தது. ஆனால் தற்போது அந்த வெளியீட்டுத் தேதி மாற்றப்பட்டுள்ளது. புதிய திரையரங்கு வெளியீட்டு தேதி இன்னும் அறிவிக்கப்படவில்லை.

இந்நிலையில், இரண்டாவது பாடலான ‘அய்யய்யோ அம்மாடி’ நாளை வெளியாக உள்ளதால், பாடல் மூலம் படத்தின் அடுத்த கட்ட புரமோஷன்களை படக்குழு தொடங்கியுள்ளது. முதல் பாடல் சிக்மா ஸ்டைல் ரசிகர்களின் கவனத்தை ஈர்த்த நிலையில், புதிய பாடல் எப்படி வரவேற்பைப் பெறும் என்ற எதிர்பார்ப்பு உருவாகியுள்ளது.

காதல் பாடலாக உருவாகியுள்ள இந்த பாடலிலும் ஜேசன் சஞ்சய் வருவாரா? என ரசிகர்கள் எதிர்பார்ப்புகளை எகிற விட்டு வருகின்றனர். மேலும், லைகா சீக்கிரமே ரிலீஸ் தேதியை அறிவிக்க வேண்டும் என்றும் கோரிக்கை விடுத்து வருகின்றனர்.

அரசு நிகழ்ச்சிகளில் தமிழ்த்தாய் வாழ்த்து முதலில் பாடப்பட வேண்டும் என சட்டப்பேரவையில் தீர்மானம் நிறைவேற்றப்பட்டதற்கு மக்கள் நீதி மய்யம் கட்சியின் தலைவர் கமல்ஹாசன் வரவேற்கும் வகையில் தனது எக்ஸ் தளத்தில் பதிவு ஒன்றை பகிர்ந்துள்ளார்.

நேற்று சட்டப்பேரவையில் அரசு மற்றும் பொது நிகழ்ச்சிகளில் தமிழ்த்தாய் வாழ்த்துக்கு முன்னுரிமை அளிக்கும் தீர்மானம் கொண்டுவரப்பட்டது.பொது நிகழ்ச்சிகளில் தமிழ்த்தாய் வாழ்த்து முதலில் பாடப்படுவது பல ஆண்டுகளாக தமிழ்நாட்டின் மரபாக இருந்து வரும் நிலையில் அந்த மரபை பின்பற்றுவதில் தவெக அரசு எந்தவித சமரசமும் செய்யாது என முதல்வர் விஜய் தெரிவித்துள்ளார்.

அரசு நிகழ்ச்சிகளில் தமிழ்த்தாய் வாழ்த்து முதலாவதாகப் பாடப்பட வேண்டும் என சட்டமன்றத்தில் தீர்மானம் நிறைவேற்றியிருப்பது மகிழ்ச்சிக்குரியது; வரவேற்கத்தக்கது. மாநில உரிமைகளை விட்டுத்தராத இந்தப் போக்கு தொடரவேண்டும்.

— Kamal Haasan (@ikamalhaasan) August 11, 2026

மேலும், தமிழ்த்தாய் வாழ்த்துக்கு முன்னுரிமை அளிக்கும் இந்தத் தீர்மானத்திற்கு கட்சி வேறுபாடின்றி அனைத்து உறுப்பினர்களும் ஆதரவு அளிக்க வேண்டும் என்றும் முதல்வர் விஜய் கேட்டுக்கொண்டார்.

இந்நிலையில், கமல்ஹாசன் வெளியிட்ட பதிவில், “அரசு நிகழ்ச்சிகளில் தமிழ்த்தாய் வாழ்த்து முதலாவதாகப் பாடப்பட வேண்டும் என சட்டமன்றத்தில் தீர்மானம் நிறைவேற்றியிருப்பது மகிழ்ச்சிக்குரியது; வரவேற்கத்தக்கது. மாநில உரிமைகளை விட்டுத்தராத இந்தப் போக்கு தொடர வேண்டும்” எனக் குறிப்பிட்டுள்ளார்.

பெங்களூருவில் இன்று நடைபெற்ற டாக்ஸிக் படத்தின் டிரைலர் வெளியீட்டு விழாவுக்கு சேலை அணிந்து நடிகை நயன்தாரா பங்கேற்ற வீடியோ காட்சிகள் வைரலாகி வருகின்றன. கேவிஎன் மற்றும் யஷ் இணைந்து தயாரித்துள்ள டாக்ஸிக் படத்தை கீது மோகன் தாஸ் இயக்கியுள்ளார். 

இந்த படத்தில் நயன்தாரா, கியாரா அத்வானி, ருக்மணி வசந்த், தாரா சுதாரியா, ஹூமா குரேஷி உள்ளிட்ட பலர் நடித்துள்ளனர். லேடீஸ் ஹாஸ்டல் போல இருக்கும் படத்தில் யஷ் அப்பா, மகன் என 2 வேடங்களில் நடித்துள்ளார். 

#Nayanthara at #Toxic trailer launch event!

. pic.twitter.com/VY0M3gr92q

— Gv (@gowtham0725) August 8, 2026

கியாரா அத்வானி எச்சில் துப்புவது, ஆடையின்றி ருக்மணி வசந்த் முன்பாக நிற்பது, நயன்தாரா தேடி வரும் போது யஷ் வேட்டிக் கட்டுவது என ஏகப்பட்ட முரட்டுத்தனமான அடல்ட் ஒன்லி காட்சிகள் டிரைலர் முழுக்க நிரம்பி வழிகின்றன.

தமிழ் சினிமாவில் நயன்தாரா நடிக்கும் படங்களுக்கே பெரிதாக புரமோஷனுக்கு வராமல் தவிர்த்து வரும் நயன்தாரா டாக்ஸிக் படத்தின் புரமோஷனுக்கு ஆரஞ்சு நிற சேலை அணிந்து பெங்களூரில் ஜம்முனு வந்த காட்சிகள் இணையத்தில் வைரலாகி வருகின்றன.

கருநாடக சக்கவரத்தி புனித் ராஜ்குமார் சிறப்பு விருந்தினராக பங்கேற்ற நிலையில், நயன்தாரா அவர் அருகே வந்து அமர்ந்து பேசும் காட்சிகள் வெளியாகி உள்ளன. கவினின் ஹாய் படத்துக்கான புரமோவிலும் சமீபத்தில் நயன்தாரா நடித்திருந்தது குறிப்பிடத்தக்கது.

கன்னட நடிகர் யஷ் நடிப்பில் பெரும் எதிர்பார்ப்பை ஏற்படுத்தியுள்ள டாக்ஸிக் திரைப்படத்தின் டிரெய்லர் இன்று, ஆகஸ்ட் 8-ம் தேதி மாலை 7.01 மணிக்கு வெளியாகிறது. டிரெய்லர் வெளியீட்டை முன்னிட்டு படக்குழு வெளியிட்டுள்ள புதிய ஆக்‌ஷன் போஸ்டர் ரசிகர்களிடையே கவனத்தை ஈர்த்துள்ளது.

இயக்குநர் கீது மோகன்தாஸ் இயக்கியுள்ள டாக்ஸிக் படத்தில் யஷ் மற்றும் கியாரா அத்வானி, நயன்தாரா, ஹுமா குரேஷி, தாரா சுதாரியா மற்றும் ருக்மிணி வசந்த் உள்ளிட்ட முன்னணி நடிகர்கள் நடித்துள்ளனர். மேலும், ‘டாக்ஸிக்’ ஒரு பீரியட் கேங்ஸ்டர் ஆக்‌ஷன் டிராமாவாக உருவாகியுள்ளது. ‘கேஜிஎஃப்’ படங்களுக்குப் பிறகு யஷ் மற்றும் இசையமைப்பாளர் ரவி பஸ்ரூர் மீண்டும் இணைந்துள்ளனர். 

‘டாக்ஸிக்’ படத்தை கேவிஎன் ப்ரோடக்‌ஷன் மற்றும் யஷ்ஷின் மான்ஸ்டர் மைண்ட் க்ரியேஷன் நிறுவனங்கள் இணைந்து தயாரித்துள்ளன. கன்னடம் மற்றும் ஆங்கிலத்தில் உருவாக்கப்பட்டுள்ள இப்படம் தமிழ், தெலுங்கு, மலையாளம், இந்தி உள்ளிட்ட பல மொழிகளில் டப்பிங் செய்யப்பட்டுள்ளது.

பல காரணங்களுக்கக வெளியீட்டு தேதி மாற்றப்பட்ட நிலையில், தற்போது ‘Toxic: A Fairy Tale for Grown-Ups’ ஆகஸ்ட் 26, 2026 அன்று உலகம் முழுவதும் திரையரங்குகளில் வெளியாகும் என அறிவிக்கப்பட்டுள்ளது. இந்நிலையில், டாக்ஸிக் படத்தின் டிரெய்லர் வெளியாக இன்னும் சில மணி நேரங்களே உள்ள நிலையில், ‘டாக்ஸிக்’ மீதான எதிர்பார்ப்பு தற்போது உச்சத்தை எட்டியுள்ளது.

விஜய் டிவியின் பிரபல ரியாலிட்டி நிகழ்ச்சியான பிக்பாஸ் தமிழ் சீசன் 10-ன் ப்ரோமோ பாடல் வெளியாகி ரசிகர்களிடையே நல்ல வரவேற்பைப் பெற்றுள்ளது. மேலும், இந்த சீசனில் போட்டியாளர்களை தேர்தேடுப்பதற்காக பிக்பாஸ் காமன் மேன் என்ற மற்றோரு புதிதான நிகழ்ச்சியை விஜய் டிவி அறிமுகப்படுத்தியுள்ளது. இந்நிகழ்ச்சியில் வெற்றிபெருபவர்களுக்கு பிக் பாஸ் சீசன் 10ல் பங்கேற்கும் வாய்ப்பு அளிக்கப்படவுள்ளது.

2017-ஆம் ஆண்டு தமிழில் தொடங்கிய பிக்பாஸ், இதுவரை 9 வெற்றிகரமான சீசன்களை நிறைவு செய்துள்ளது. முதல் 7 சீசன்களை கமல்ஹாசன் தொகுத்து வழங்கிய நிலையில், கடந்த இரண்டு சீசன்களாக விஜய் சேதுபதி தொகுப்பாளராக இருந்து வருகிறார். தற்போது 10-வது சீசனையும் அவரே தொகுத்து வழங்கவுள்ளார்.

இங்க ஒன்னு நினைச்சா பத்து நடக்கும்..😎😍

Bigg Boss Tamil Season 10 – விரைவில்.. நம்ம விஜய் டிவில.. #BiggBossTamilSeason10 #CarniVizha #BiggBossSeason10Tamil #BiggBoss10 #BiggBossSeason10 #VijaySethupathi #BiggBossTamil #BB10 #BiggBossSeason10 #VijayTV #VijayTelevision pic.twitter.com/CB5rGyrfoF

— Vijay Television (@vijaytelevision) August 7, 2026

ஒவ்வொரு சீசனிலும் புதிய போட்டியாளர்கள், பரபரப்பான டாஸ்க்கள் மற்றும் எதிர்பாராத திருப்பங்களால் ரசிகர்களை கவர்ந்த பிக்பாஸ், இந்த முறையும் என்னென்ன புதுமைகளை கொண்டு வரப்போகிறது என்ற எதிர்பார்ப்பு அதிகரித்துள்ளது. போட்டியாளர்கள் பட்டியல் மற்றும் நிகழ்ச்சி தொடக்க தேதி குறித்த அறிவிப்புக்காக ரசிகர்கள் ஆவலுடன் காத்திருக்கின்றனர்.

விஷால் எழுதி, இயக்கி நடித்துள்ள மகுடம் படத்தின் டிரைலர் வெளியீட்டு விழா தற்போது நடைபெற்று வரும் நிலையில், டிரைலரை யூடியூபில் வெளியிட்டுள்ளார் நடிகர் விஷால். ஆதிக் ரவிச்சந்திரன் இயக்கத்தில் அவர் நடித்த மார்க் ஆண்டனி படத்தின் அடுத்த வெர்ஷன் போலவே இந்த டிரைலர் உருவாகியுள்ளது.

முத்துமணி மாலை பாடலுடன் இடம்பெறும் சண்டைக் காட்சிகள், துஷாரா விஜயன், அஞ்சலி என நடிகைகளின் அலப்பறை, ஹார்பரில் ஒரு குறிப்பிட்ட சரக்கை இறக்க விடாமல் லிங்கா விஷால் ஏன் தடுக்கிறார். மகனுக்கும் அப்பாவுக்கும் என்ன மோதல் வெடிக்கிறது என்பது தான் மகுடம் படத்தின் கதையாக இருக்கும் என தெரிகிறது.

இயக்குநராக விஷால் எந்தளவுக்கு மாஸ் காட்டப் போகிறார். நடிகர் விஷால் அப்பாவியாகவும் ஆக்‌ஷன் காட்சிகளிலும் டிரைலரில் அசத்துகிறார். ஆனால், அதே சமயம் சூர்யாவின் விஸ்வநாத் அண்ட் சன்ஸ் டிரைலர் அளவுக்கு பக்காவாக இந்த மகுடம் டிரைலர் விஷுவலாகவும் மேக்கிங் அளவிலும் இல்லையே என்கிற உணர்வும் ஏற்படத்தான் செய்கிறது.

வழக்கமான ஆக்‌ஷன் படமாகவே மகுடம் உருவாகி இருந்தால் அடுத்த வாரம் பாக்ஸ் ஆபீஸில் விஷால் பலத்த அடி வாங்கி விடுவாரோ என்கிற எண்ணமும் எழுகிறது. மகுடம் டிரைலரை பொறுத்தவரை பெரிதாக ஈர்க்கும் அளவுக்கான காட்சிகள் இல்லை.

முதலமைச்சர் விஜய் நடித்த ஜன நாயகன் திரைப்படம் பாக்ஸ் ஆபீஸில் கருப்பு படத்தை முந்த முடியவில்லை என்றாலும் 300 கோடி வசூலை கடந்துள்ளது என தகவல்கள் வெளியாகி உள்ளன. கேவிஎன் நிறுவனம் வசூல் குறித்த எந்தவொரு அறிவிப்பையும் அதிகாரப்பூர்வமாக வெளியிடவே இல்லை.

அனிருத் இசையில் பூஜா ஹெக்டே, மமிதா பைஜுவுடன் விஜய் ஆடிய தளபதி கச்சேரி பாடல் வீடியோவை ரசிகர்கள் பெரிதும் எதிர்பார்த்துக் கொண்டிருந்த நிலையில், தற்போது வெளியாகி உள்ளது.

அந்த ஒன் லாஸ்ட் டான்ஸ் என கடைசி ஒரு நிமிடம் விஜய் நடித்து வெளியான சூப்பர் ஹிட் பாடல்களின் இசைக்கு தளபதி விஜய் நடனமாடுவதை பார்த்து தற்போது படத்தை தியேட்டருக்குச் சென்று பார்க்க முடியாத குட்டி, சுட்டீஸ் எல்லாம் தளபதி கச்சேரிக்கு ஆட்டம் போட ஆரம்பித்துள்ளனர். இந்த பாடல் எத்தனை மில்லியன் வியூஸ் சாதனை படைக்கப் போகிறதோ தெரியவில்லை.